2026 වසරේ Indian Premier League (IPL) ක්රිකට් තරගාවලිය මාර්තු 28 වැනිදා ආරම්භ කිරීමට ඉන්දීය ක්රිකට් ආයතනය නිල වශයෙන් ප්රකාශයට පත් කර තිබේ.
මුලින් සැලසුම් කර තිබුණේ තරගාවලිය මාර්තු 26 දින ආරම්භ කිරීමට වුවත්, එය දින දෙකකින් පසුවට කල් දමා ඇත. මෙයට ප්රධාන හේතුව ලෙස සැලකෙන්නේ එළැඹෙන මාර්තු මාසයේ ඇසෑම්, තමිල්නාඩු සහ බටහිර බෙංගාලය යන ප්රාන්තවල පැවැත්වීමට නියමිත ප්රාන්ත මැතිවරණයි.
තරගාවලියේ අවසන් මහා තරගය මැයි 31 වැනිදා පැවැත්වීමට දැනට සැලසුම් කර ඇති අතර, සම්පූර්ණ තරග කාලසටහන තවමත් අවසන් වී නොමැත. මැතිවරණ දිනයන් නිල වශයෙන් ප්රකාශයට පත් නොවීම හේතුවෙන් IPL පාලක මණ්ඩලය ලබන සතියේ රැස්වී අවසන් සැලැස්ම තීරණය කිරීමට නියමිත බව වාර්තා වේ.
2008දී IPL ආරම්භ වූ දා සිට, ඉන්දියාවේ මැතිවරණ සමය තරගාවලි සැලසුම්වලට බලපා ඇති අවස්ථා කිහිපයක්ම දක්නට ලැබේ. ඒ අනුව, මේ වසර ක්රිකට් සහ දේශපාලන කාලසටහන් අතර ගැටුමක් මතුව තිබීම විශේෂත්වයකි.
