තායිලන්තයේ බැංකොක් නගරයට ආසන්නයේ පිහිටි බෞද්ධ විහාරස්ථානයක ආදාහනය කිරීමට නියමිතව සිටි, මියගොස් ඇතැයි සැලකෙන කාන්තාවක් ජීවතුන් අතර සිටියදී කාර්ය මණ්ඩලය විසින් සොයාගෙන තිබෙනවා.
වට් රැට් ප්රාක්හොංන්ග් තම් දේවාලයේ සාමාන්යාධිකාරී පයිරත් සූඩ්තූප් තුමා හට මිනී පෙටිටියට සිහින්ව තට්ටු කරන හඩක් ඇසී ඇති බවත් කාන්තාව මිනී පෙට්ටිය විවෘත තරන ලෙස ඉල්ලා සිටි බවත් පසුව පරීක්ෂා කිරීමෙන් පසු කාන්තාව මිය ගොස් නොමැති බවත් වටහා ගත් බව සූඩ්තූප් තුමා විදෙස් මාධ්ය වෙත පවසා ඇත.
තම සහෝදරිය මිය ගිය බව ප්රාදේශීය නිලධාරීන් තමාට පැවසූ බව කාන්තාවගේ සහෝදරයා පැවසු බවත් නමුත් පන්සලේ කළමනාකරු සහෝදරයා සතුව මරණ සහතිකයක් නොමැති බව පැවසු බවත් විදෙස් මාධ්ය වාර්තා කරනවා.
කාන්තාව ජීවතුන් අතර සිටින බව පැහැදිලි වූ පසු, බෞද්ධ ආරාමයක ප්රධානිතුමාගේ උපදෙස් පරිදි කාන්තාව වහාම රෝහලට ගෙන ගිය පසු වෛද්යවරයෙකු තහවුරු කර ඇත්තේ කාන්තාව දරුණු හයිපොග්ලිසිමියා රෝගයෙන් පෙළෙන බවයි.
එම රෝගය රුධිරයේ සීනි මට්ටම ඉතා පහත වැටෙන තත්වයක් බව විදෙස් ප්රාදේශීය වාර්තා පවසනවා.
තම සහෝදරිය පසුගිය වසර දෙකක කාලය තුළ එක්තැන්ව සිටි බවත්, ඇගේ සෞඛ්ය තත්ත්වය නරක අතට හැරීමත් සමඟ පසුගිය දා ඇය හුස්ම ගැනීම නතර කළ බව පෙනුන බවත් කාන්තාවගේ සහෝදරයා පැවසු බව විදෙස් මාධ්ය සඳහන් කරයි.
ආදාහන උත්සවය සඳහා පවුලේ අය තායිලන්තයේ ෆිට්සානුලොක් පළාතේ සිට කිලෝමීටර් 500ක් දුරටකට පැමිණ ඇත.
