අපේ ෆෝන් එක කියන්නේ දැන් අපේ මුළු ජීවිතේම වගේ. බැංකු විස්තර, පුද්ගලික ඡායාරූප (Photos), වීඩියෝ සහ මැසේජස් මේ හැම දෙයක්ම තියෙන්නේ ෆෝන් එක ඇතුලේ. ෆෝන් එක කැඩුනු වෙලාවට එය හදාගන්න කඩේකට දෙනවා කියන්නේ, නොදන්නා කෙනෙක් අතට අපේ මේ සියලුම රහස් ලබා දෙනවා වගේ වැඩක්.
ඒ නිසා ඔබේ ෆෝන් එක Repair කරන්න දෙන්න කලින් පහත පියවර අනුගමනය කිරීම අනිවාර්ය වේ.
1. මෙමරි කාඩ් (SD Card) සහ සිම් කාඩ් (SIM) ගලවන්න
බොහෝ දෙනෙක්ට අමතක වන, නමුත් වැදගත්ම දේ මෙයයි. ඔබේ පුද්ගලික ඡායාරූප සහ වීඩියෝ සේව් වෙලා තියෙන්නේ මෙමරි කාඩ් (Chip) එකේ නම්, ෆෝන් එක කඩේට දෙන්න කලින් එය ගලවා ඔබ ළඟ තබා ගන්න.
අවදානම: යම් හෙයකින් කාමුක හෝ ඉතාමත් පුද්ගලික (Sensitive) වීඩියෝ එහි තිබුණහොත්, ඒවා පිටපත් කරගැනීමේ (Copy) ලොකු රිස්ක් එකක් තියෙනවා. කිසිවිටෙකත් එම අවදානම ගන්න එපා.
2. පාස්කෝඩ් (Passcode) හෝ පැටන් (Pattern) එක කිසිවිටෙකත් ලබා නොදෙන්න. ෆෝන් එක හදන කෙනා, “ෆෝන් එක චෙක් කරන්න ඕන, පාස්වර්ඩ් එක දෙන්න” කියලා ඉල්ලන්න පුළුවන්. නමුත් එය ලබා දීම ඉතා භයානකයි.
ඇයි එපා කියන්නේ?: ෆෝන් එක Unlock වුණු ගමන්, ඔබේ Gallery, Social Media, සහ Google Photos වැනි ඕනෑම තැනකට පිවිසීමට (Access) අලුත්වැඩියා කරන්නාට පුළුවන් වෙනවා.
විසඳුම: ෆෝන් එකේ Display එක හෝ වෙනත් කොටසක් මාරු කර එය වැඩ දැයි පරීක්ෂා කිරීමට අවශ්ය නම්, ඔබ ඉදිරියේදීම එය Unlock කර පෙන්වන්න. එසේත් නැතිනම් ෆෝන් එක සම්පූර්ණයෙන්ම Reset කර ලබා දෙන්න.
3. දත්ත බැකප් (Backup) කර ෆෝන් එක Format කරන්න (හැකි නම් පමණක්) ඔබට ෆෝන් එක On කිරීමට හැකි තත්ත්වයක් ඇත්නම් (උදාහරණයක් ලෙස Display එක කැඩී ගියත් Touch වැඩ නම්), ඔබේ දත්ත සියල්ල පරිගණකයකට හෝ Cloud එකට (Google Drive/iCloud) Backup කරන්න. ඉන්පසු ෆෝන් එක Factory Reset කරන්න. මෙය තමයි ආරක්ෂිතම ක්රමයයි.
4. Maintenance Mode පාවිච්චි කරන්න
Samsung වැනි නවීන දුරකථනවල “Maintenance Mode” කියලා පහසුකමක් තියෙනවා. ෆෝන් එක හදන්න දෙන්න කලින් මේක On කළාම, අලුත්වැඩියා කරන කෙනාට ඔබේ ෆෝටෝ හෝ මැසේජස් බලන්න බැහැ. ඔවුන්ට පාවිච්චි කරන්න පුළුවන් ෆෝන් එකේ මූලික සිස්ටම් එක විතරයි.
5. Social Media සහ Cloud ගිණුම්වලින් Log Out වන්න
ෆෝන් එක Format කරන්න බැරි අවස්ථාවක නම්, අඩුම තරමේ ඔබේ Facebook, Instagram, Google Photos, සහ විශේෂයෙන්ම Banking Apps වලින් Log out වීමට වග බලා ගන්න.
6. App Lock භාවිතා කරන්න
Format කරන්නත් බැරි නම්, Maintenance Mode එකත් නැත්නම්, අඩුම තරමේ ඔබේ Gallery සහ File Manager එකට වෙනම Password එකක් දමා Lock කරන්න (App Lock භාවිතයෙන්).
විශේෂ උපදෙසක්:
“ෆෝන් එක හදන කෙනා විශ්වාසවන්තයි” කියලා හිතලා කවදාවත් ඔබේ පුද්ගලික දත්තවල ආරක්ෂාව ගැන සැහැල්ලුවෙන් හිතන්න එපා. අලුත්වැඩියා කරන ස්ථානයේදී ඔබේ ෆෝන් එක අතින් අතට මාරු වෙන්න පුළුවන්. ඒ නිසා “පරස්සම වගේම, සැකයත් නිතරම හොඳයි.”
Copied
