ලොව ධනවත් පුද්ගලයකු වන බිල් ගේට්ස් මහතා, ලෝකයේ ධනවත්ම පුද්ගලයන් 10 දෙනාගේ ලැයිස්තුවෙන් ඉවත් වී තිබෙනවා.
මේකට හේතුව ඔහුගේ අසාර්ථකත්වය නොවන අතර එයට හේතු වී ඇත්තේ ඔහුගේ ත්යාගශීලීභාවයයි.
බ්ලූම්බර්ග් (Bloomberg) වාර්තා කරන ආකාරයට, ගේට්ස් මහතාගේ ජීවිත කාලය පුරා සිදු කළ ඩොලර් බිලියන 52කට අධික පරිත්යාග ගණන් බැලීමෙන් පසු, ඔහුගේ ධනය ඇමරිකානු ඩොලර් බිලියන 175 සිට ඩොලර් බිලියන 124 දක්වා පහත වැටී තිබෙනවා. මේ පරිත්යාගවලින් වැඩි ප්රමාණයක් ‘බිල් සහ මෙලින්ඩා ගේට්ස් පදනම’ (Bill & Melinda Gates) හරහා සිදු කර ඇති අතර, එම පදනම දැනටමත් සෞඛ්යය, අධ්යාපනය, සහ දිළිඳුකම පිටුදැකීම සඳහා ඩොලර් බිලියන 100ක් පමණ බෙදා හැර තිබෙනවා.
ගේට්ස් මහතා දිවුරා පොරොන්දු වී ඇත්තේ, තම ධනය සියල්ලම පාහේ තමන්ගේ ජීවිත කාලය තුළ ම පරිත්යාග කිරීමටයි. ගේට්ස් පදනම සැලසුම් කරන්නේ, 2045 වන විට සියලුම වත්කම් වියදම් කර අවසන් කර, පදනම වසා දැමීමටයි. ඔවුන් දැනට ඔවුන් සතු ඩොලර් බිලියන 77ක මුදල සෞඛ්යය, දේශගුණය, සහ අධ්යාපනය වැනි හදිසි ගෝලීය අභියෝග සඳහා යොදවමින් සිටිනවා.
ගේට්ස් මහතාගේ මේ “වියදම් කර අවසන් කිරීමේ” (spend-down) ප්රවේශය, සාම්ප්රදායික ප්රකෝටිපති දානපතිකමට වඩා වෙනස්. ස්ථිර පදනමක් හදනවා වෙනුවට, ඔහු පවසන්නේ: ලෝකයේ ප්රශ්නවලට විසඳුම් අවශ්ය වන්නේ දැන් මිස ශතවර්ෂ ගණනාවකට පසුව නොවන බවයි.
ඔහුගේ ධනය හැකිලෙමින් තිබුණත්, පරිත්යාග කිරීමේ ඔහුගේ ගුණය පෙරට වඩා ශක්තිමත් වෙමින් පවතිනවා.
මූලාශ්ර: බ්ලූම්බර්ග් බිලියනපතියන්ගේ දර්ශකය සහ ගේට්ස් පදනම.
