පාන්දර 3 – 5 අතර නිකරුණේ ඇහැරෙනවාද? මේ විශ්වය ඔබට දෙන රහස් පණිවිඩයයි!

ඔබ කවදාහරි පාන්දර 3ත් 5ත් අතර කිසිම හේතුවක් නැතුව හදිසියේ ඇහැරිලා තියෙනවාද? පුරාණ ඉගැන්වීම් වලට අනුව මේ වෙලාව හඳුන්වන්නේ ‘පවිත්‍ර පැය’ කියලයි.

බොහෝ දෙනෙක් කරන්නේ වෙලාව බලලා ආයෙත් නිදාගන්න එක වුනාට, ඇත්තටම මේ වෙලාවේ ඇහැරෙනවා කියන්නේ විශ්වය ඔබට දෙන විශේෂ ආධ්‍යාත්මික ඇරයුමක්.

ඔබේ ජීවිතය ජයගන්න නම්, මීළඟ වතාවේ පාන්දර 3-5 අතර ඇහැරුණු විට ආපසු නිදාගන්නේ නැතුව මේ පියවර 4 අනුගමනය කරන්න.

1. ෆෝන් එක අතට ගන්න එපා

ඇහැරුණු ගමන් ෆෝන් එක බලන එක සම්පූර්ණයෙන්ම නවත්වන්න. ඒ වෙනුවට නිහඬව ඉන්න. ගැඹුරු හුස්මක් අරගෙන හුස්ම පිට කරමින් ඔබේ හුස්ම ගැන අවධානය යොමු කරන්න. මෙය ඔබේ යටි සිත (Subconscious mind) අවදි කර ගැනීමට උදව් වේ.

2. විශ්වයට ස්තූතිවන්ත වෙන්න (Gratitude)

ඔබේ හිත ඉතාම පිරිසිදු මේ වෙලාවේ විශ්වයට ස්තූති කරන්න. “මම මගේ ජීවිතයට ස්තූතිවන්ත වෙනවා”, “මම ශක්තිමත්” වැනි ධනාත්මක සිතුවිලි (Affirmations) හඬ නගා හෝ සිතින් කියන්න. ස්තූතිවන්ත වීම යනු සතුට සහ සම්පත් ආකර්ෂණය කරගැනීමේ ප්‍රබලම රහසයි.

3. උණුසුම් වතුර වීදුරුවක් බොන්න

මද උණුසුම් වතුර වීදුරුවක් බොන ගමන් ඔබේ ජීවිතයට ලැබෙන්න ඕන දෙයක් (සාමය, ධනය, නිරෝගීකම) ගැන හිතන්න. වතුර වීදුරුව බීගෙන යද්දී ඒ අරමුණ ඔබේ ශරීරය තුළට කාවදින බව මවාගන්න. මෙය ශරීරයේ විෂ ඉවත් කර ඔබව ප්‍රබෝධමත් කරයි.

4. පරිසරය විඳින්න (Connect with Nature)

විනාඩි කිහිපයකට හෝ එළියට යන්න. වාහන සද්ද නැති, ඒ නිහඬ බව සහ පිරිසිදු වාතය (ප්‍රාණ ශක්තිය) විඳින්න. තරු පිරුණු අහස දෙස බලා විශ්වයේ පිරිසිදු ශක්තිය ඔබේ සිරුරට ලබාගන්න.

මේ පුරුදු ටික දිනපතා කළොත් ඔබේ ජීවිතය පුදුමාකාර ලෙස වෙනස් වේවි. ඊළඟ වතාවේ පාන්දර ඇහැරුණොත් මතක තියාගන්න, ඒ ඔබව දිනවන්න විශ්වය දුන් අනගි අවස්ථාවක් බව!