මත්ද්රව්ය ජාවාරම්කරුවෙකු වන කුඩු රොෂාන් නැමැත්තා අත්අඩංගුවට ගෙන තිබේ.
මට්ටක්කුලිය ප්රදේශයේ පිහිටි ඔහුගේ නිවසේ දී අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් විසින් සැකකරු අත්අඩංගුවට ගෙන ඇති බව සඳහන්ය.
සැකකරු සන්තකයේ තිබී මිලිමීටර් 9 වර්ගයේ පිස්තෝල අවියක් සහ ඊට යොදන ජීව උණ්ඩ 3ක් ද සොයාගත් බව පොලීසිය පැවැසුවේය.
අපරාධ පරීක්ෂණ දෙපාර්තමේන්තුවේ සිද්ධිය සම්බන්ධයෙන් වැඩිදුර විමර්ශන සිදුකරනු ලබයි.
මේ අතර අම්බලන්ගොඩ නගරයේ පිහිටි වෙළෙඳ ආයතනයක කළමනාකරවරයෙකු වෙඩි තබා ඝාතනය කිරීමේ සිද්ධියට ආධාර අනුබල ලබාදුන් සැකකරුවෙකු අත්අඩංගුවට ගෙන තිබේ.
අපරාධ පරීක්ෂණ දෙපාර්තමේන්තුවේ මුල්ය අපරාධ කොටඨාසය මඟින් කොල්ලුපිටිය ප්රදේශයේ දී සැකකරු අත්අඩංගුවට ගෙන ඇති බව පොලීසිය පැවසුවේය.
පසුගිය සඳුදා පෙරවරුවේ අම්බලන්ගොඩ නගරයේ පිහිටි වෙළෙඳ ආයතනයකට ඇතුළු වු නාඳුනන තුවක්කුකරුවන් දෙදෙනෙකු එහි කළමනාකරු වෙඩි තබා ඝාතනය කර පලාගොස් තිබුණි.
ඔවුන් පැමිණි යතුරුපැදිය අම්බලන්ගොඩ කුරුදුවත්ත ආඳාදොළ මාර්ගයේ දමා ගොස් තිබියදී පසුව සොයාගෙන තිබු බව සඳහන්ය.
වෙඩි තැබීමෙන් පසු වෙඩික්කරුවන් දෙදෙනාගෙන් අදාළ යතුරුපැදිය එම ස්ථානයට රැගෙනවිත් ඇත්තේ අත්අඩංගුවට ගත් සැකකරු බව පොලීසිය සිදුකළ විමර්ශනවලදී අනාවරණය වී ඇත.
සිද්ධියට සම්බන්ධ සෙසු සැකකරුවන් සොයා තවදුරටත් විමර්ශන ක්රියාත්මකය.
ada derana
