මගේ ආදරණීය පියාගේ අභාවයෙන් පසු, මගේ ජීවිතයේ වඩාත්ම වේදනාකාරී කාලය තුළ මම සහ මගේ පවුලේ අය සමඟ සිටි සැමට අවංකවම ස්තූති කිරීමට මම කැමතියි.
ඔහුගේ වියෝව කිසිදා පිරවිය නොහැකි හිස්තැනක් ඉතිරි කර ඇති නමුත් මට ලැබුණු ආදරය, ශක්තිය සහ සහයෝගය මට ඉදිරියට යාමට ධෛර්යය ලබා දුන්නා.
මම සහ මගේ පවුල වෙනුවෙන් සිටීම ගැන ශ්‍රී ලංකා ක්‍රිකට් ආයතනය, CDB බැංකුව, මන්චි ආයතනය, මොරටුව පොලිසිය, පානදුර රෝහල, කෝල්ට්ස් ක්‍රිකට් සමාජය, වේල්ස් කුමාර විද්‍යාලය සහ එහි ආදි ශිෂ්‍ය සංගමයට මගේ හෘදයාංගම කෘතඥතාව පළ කරනවා.
සනත් සර්, මහින්ද හලංගොඩ සර් සහ සමස්ත ජාතික පුහුණු කාර්ය මණ්ඩලයට මෙන්ම ශ්‍රී ලංකා ජාතික කණ්ඩායමේ චරිත් අයියා සහ මගේ සහෝදරයන්ට විශේෂ ස්තූතියක් පුදකරනවා.
ඔබේ පැමිණීම, කරුණාව සහ මග පෙන්වීම මට වචනවලින් ප්‍රකාශ කළ නොහැකි තරම් වටිනාකමක් වුණා. වැදගත්ම දෙය තමයි ශ්‍රී ලාංකිකයන්ට ස්තූති කිරීමට මට අවශ්‍යයි.
ඔබගේ යාච්ඤා, පණිවිඩ සහ කොන්දේසි විරහිත සහයෝගය මට මතක් කර දුන්නේ මම කිසිදා තනි වී නැති බවයි. මගේ හද පත්ලෙන්ම ඔබට ස්තූතිය පලකරනවා.
මගේ පියාගේ සිහිනය වුණේ මගේ ක්‍රිකට් ගමන දිගටම කරගෙන යාමයි, ඔබ සැම මා අසලින් සිටින විට, ඔහුට ගෞරව කිරීමට මට හැකි සෑම දෙයක්ම කරනවා.
දුනිත් වෙල්ලාලගේ
