ලොව ප්රථම වරට අමෙරිකානු ඩොලර් බිලියන 600ක ශුද්ධ වත්කමක් හිමි කරගත් පුද්ගලයා බවට එලෝන් මස්ක් පත්ව ඇති බව ෆෝබ්ස් සඟරාව වාර්තා කරනවා.
ඔහුගේ ස්පේස්එක්ස් (SpaceX) සමාගම ඩොලර් බිලියන 800ක වටිනාකමක් සහිත බවට ප්රසිද්ධියට පත්වීමට (IPO) සූදානම් වන බවට වූ වාර්තා මත මෙම වාර්තාව ද පිහිටුවා තිබෙන බව සඳහන්.
මස්ක් ඔක්තෝබර් මාසයේදී ප්රථම වරට ඩොලර් බිලියන 500 ක වත්කමක් ඉක්මවා ගියා.
ස්පේස්එක්ස් සමාගම තුළ මස්ක්ට දළ වශයෙන් 42% ක කොටස් ප්රමාණයක් හිමියි.
ස්පේස්එක්ස් හි මෙම ඇගයීම හේතුවෙන් මස්ක්ගේ ධනය ඩොලර් බිලියන 168 කින් ශක්තිමත් විය හැකියි.
ඒ අනුව ඊයේ වනවිට ඔහුගේ මුළු වත්කම ඩොලර් බිලියන 677ක් ලෙස ඇස්තමේන්තු කර තිබෙනවා.
මස්ක්ගේ විද්යුත් වාහන (EV) නිෂ්පාදක ටෙස්ලා සමාගමේ කොටස්ද ඔහුගේ ධනය ඉහළ යෑමට හේතුවක්.
මස්ක් ටෙස්ලා හි දළ වශයෙන් සියයට 12 ක කොටස් ප්රමාණයක් දරනවා
අලෙවිය අඩු වුවද, ටෙස්ලා කොටස් මේ වසරේ මේ දක්වා 13% කින් ඉහළ ගොස් තිබුණා.
නොවැම්බර් මාසයේදී, ටෙස්ලා කොටස් හිමියන් විසින් මස්ක් සඳහා ඩොලර් ට්රිලියන 1 ක ගෙවීම් සැලැස්මක් අනුමත කරන ලද අතර, එය ඉතිහාසයේ විශාලතම ආයතනික ගෙවීම් පැකේජයයි.
මෙම අනුමැතිය මගින් ටෙස්ලා AI සහ රොබෝ තාක්ෂණ දැවැන්තයෙකු බවට පත් කිරීමේ මස්ක්ගේ දැක්ම පිළිගනු ලැබුවා.
තවද, ඔහුගේ කෘත්රිම බුද්ධි (AI) ආරම්භක සමාගමක් වන xAI, ඩොලර් බිලියන 230 ක වටිනාකමකින් යුතුව, ඩොලර් බිලියන 15 ක නැවුම් කොටස් ප්රාග්ධනයක් රැස් කිරීමට සාකච්ඡා පවත්වන බවටද මාධ්ය වාර්තා කරනවා.
Hiru News
