පොලීසියට භාර වූ පාර්ලිමේන්තු මන්ත්රී අර්චුනා රාමනාදන් මහතා අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව ඔහුට එරෙහිව නිකුත් කර තිබූ වරෙන්තුව ආපසු කැඳවන ලෙස කොළඹ අතිරේක මහේස්ත්රාත් ලහිරු සිල්වා මහතා ඊයේ (24) නියෝග කළේය.
පෙර ඇප මත සැකකාර මන්ත්රිවරයා මුදාහරින ලෙසත් මහේස්ත්රාත්වරයා නියෝග කළේය.
රාජකාරියේ නියුතු පොලිස් නිලධාරියකුට බලපෑම් කිරීම සම්බන්ධයෙන් පවතින නඩුවක් කොටුව අධිකරණය හමුවේ පෙරේදා (23) කැඳවූ අවස්ථාවේදී අධිකරණයේ පෙනී නොසිටීම මත වරෙන්තු නිකුත් කර තිබිණි. ඊයේ (24) උදෑසන නීතිඥවරයෙක් මඟින් කොටුව පොලීසියට පැමිණ භාර වීමෙන් අනතුරුව අත්අඩංගුවට ගෙන අධිකරණයට ඉදිරිපත් කර තිබිණි.
මෝසමක් ගොනු කරමින් කොටුව පොලීසිය විසින් අත්අඩංගුවට ගනු ලැබූ සැකකාර මන්ත්රිවරයා අධිකරණයට ඉදිරිපත් කර තිබිණි.
පැවැති ආපදා තත්ත්වය හමුවේ නඩුව කැඳවීමට තිබූ පසුගිය නඩු දිනයේ නඩුව කැඳවූයේ නැති බව එහිදී සැකකාර මන්ත්රිවරයා වෙනුවෙන් කරුණු දක්වමින් නීතිඥ මංජු ශ්රී චන්ද්රෙස්න මහතා ප්රමුඛ නීතිඥ මඬුල්ල අධිකරණය හමුවේ කියා සිටියහ. වෙනත් දිනයක් දැන්වීම් පුවරුවේ සඳහන් කර නොතිබූ බව නීතිඥ මංජු ශ්රී චන්ද්රෙස්න මහතා අධිකරණය හමුවේ පැවසීය.
සිය සේවාදායකයා වරෙන්තු කර ඇති බව දැනගෙන ඇත්තේ ප්රවෘත්ති මඟින් බව ද සැකකාර මන්ත්රීවරයා වෙනුවෙන් කරුණු දක්වමින් ඔහු කියා සිටියේ කියා සිටියේය.
ඡායාරූපය – දුෂ්මන්ත මායාදුන්න
Source – Dinamina (සුභාෂිණී සේනානායක)
