සිංහල සිනමාවේ අසහාය පෙම්වතා, දේශපාලන ලෝකයේ යුග පුරුෂයා මෙන්ම අහිංසක මිනිසුන්ගේ හද ගැස්ම හඳුනාගත් ඒ “ආදරණීය මිනිසා”, විජය කුමාරතුංගයන් අපෙන් සමුගෙන අදට වසර 38ක් සපිරෙයි.
විජය කියන්නේ නිකම්ම නිකම් නළුවෙක් නෙවෙයි. ඔහු රිදී තිරය මත පෙම්වතෙකු ලෙස රසික හදවත් අමන්දානන්දයට පත් කරද්දී, තිරයෙන් පිටත අවීචාරී සමාජයකට එරෙහිව බියක් නැතිව පෙනී සිටි සැබෑ මිනිසෙක්. 1988 පෙබරවාරි 16 වැනිදා ඒ හඬ සදහටම නිහඬ කරන්නට මාරයාට හැකි වුවත්, ඔහු තැබූ ඒ අමරණීය සලකුණ ලාංකේය ජන හදවත් තුළ අදටත් නොමැකී පවතී.
අද උදෑසන සිටම ෆේස්බුක්, ඉන්ස්ටග්රෑම් ඇතුළු සෑම සමාජ මාධ්ය ජාලයකම පාහේ විජයගේ රුව රැගත් ඡායාරූප සහ වීඩියෝ ලැව් ගින්නක් සේ හුවමාරු වෙමින් පවතී. ඒ ඔහුට ජනතාව දක්වන අසීමිත, අකලංක ආදරය නිසාවෙනි. විශේෂයෙන්ම එදා ඔහු ගැයූ ගීත සහ ඔහු රඟපෑ චිත්රපට අදටත් ලාංකේය කලා කෙතේ අග්රගන්ය නිර්මාණ ලෙස කාගේත් සම්භාවනාවට පාත්ර වේ.
“සුවහසක් හදවත් සෙනෙහසින් සොරාගත් ඒ ආදරණීය මිනිසා.. විජය කුමාරතුංග මහතා අප හැර ගොස් අදට වසර 38 යි. ආදරණීය කලාකරුවාණනි ඔබට අප්රාමික නිවන් සුව ලැබේවා!” යනුවෙන් රසික ලක්ෂ සංඛ්යාත පිරිසක් මහත් වූ ගෞරවයෙන් හා වේදනාවෙන් යුතුව ඔහු වෙනුවෙන් සටහන් තබා ඇති අයුරු දැකගත හැකිය.
සිනමාවත්, දේශපාලනයත් එකසේ හෙල්ලූ ඒ සොඳුරු මිනිසාගේ අඩුව අදටත් මේ රටට තදින්ම දැනේ. වසර 38ක් ගෙවුණත්, අදටත් ලංකාවේ වැඩිම පිරිසක් ආදරය කරන පුද්ගලයා “විජය” බව අමුතුවෙන් කිව යුතු නැත.
Hiru Gossip
