ගංවතුරින් පීඩාවට පත් ජනතාව වෙනුවෙන් බෙදා දීමට මාතර බන්ධනාගාරයේ රඳවා සිටින පිරිමි හා කාන්තා රැඳවූවන් 473කගේ පෙරේදා (03) දිවා ආහාරය සඳහා යොදා ගන්නා වියළි ආහාර ද්රව්ය පරිත්යාග කිරීම ඊයේ (04) සිදු කෙරිණි. එම වියළි ආහාර ද්රව්ය මාතර බන්ධනාගාරයේ බන්ධනාගාර අධිකාරී ඒ.එම්. ප්රදීප් වසන්ත කුමාර මහතා සහ ප්රධාන ජේලර් පී.ජී.එස්. රූපසිංහ මහතා ඇතුළු බන්ධනාගාර නිලධාරීන් විසින් මාතර දිස්ත්රික් ලේකම් චන්දන තිලකරත්න මහතා වෙත භාරදීම ඊයේ (04) පෙරවරුවේ මාතර බන්ධනාගාර පරිශ්රයේදී සිදු කෙරිණි.
මීට අමතරව මාතර බන්ධනාගාරයේ සේවය කරන නිලධාරින් හා නිලධාරිනියන් විසින් පරිත්යාග කරන ලද ආහාර ද්රව්ය හා භාණ්ඩ රැසක්ද මේ සමඟම දිස්ත්රික් ලේකම් වෙත භාර දීමද සිදු විය. මාතර බන්ධනාගාරයේ පිරිමි සහ කාන්තා අංශවල රැඳවියන් විසින් කරන ලද ඉල්ලීමකට අනුව, ඔවුන්ගේ දිවා ආහාරය විපතට පත් ජනතාවට මෙලෙස පරිත්යාග කිරීමට බන්ධනාගාර අධිකාරිය කටයුතු යොදා තිබිණි. මෙහිදී රතු කැකුලු සහල් කිලෝ 287ක්, හාල්මැස්සන් කිලෝ 30ක්, මයිසුර් පරිප්පු කිලෝ 210ක්, සීනි කිලෝ 102ක්, පොල් ගෙඩි 150ක්, බිස්කට්, කාන්තා ඇඳුම්, ළමා ඇඳුම්, පාවහන්, සනීපාරක්ෂක ද්රව්ය, වතුර බෝතල්, සබන්, පාසල් උපකරණ, ඇඳුම් ආදිය පරිත්යාග කිරීම සිදුවිය.
මාතර ආපදා කළමනාකරණ මධ්යස්ථානයේ සහකාර අධ්යක්ෂ කර්නල් කැළුම් කුඩාගමගේ මහතා ඇතුළු බන්ධනාගාර නිලධාරීන් පිරිසක් මේ අවස්ථාවට සහභාගි වූහ.
බුද්ධිකා ඉඹුලාන
Source – Dinamina
