2025 ඔක්තෝබර් 4 වන දින සිට අතුරුදන්ව සිටි, ෆිලඩෙල්ෆියා හි පදිංචි 23 හැවිරිදි ඇමරිකානු රූ රැජින අපේක්ෂිකාවක වූ කාඩා ස්කොට් මෙනෙවියගේ දේහයේ කොටස් සොයාගෙන තිබේ.
ඇය සිය සේවා ස්ථානය වූ හෙද නිවාසයක රාත්රී සේවා මුරය සඳහා පිටත්ව යාමෙන් අනතුරුව මෙසේ අතුරුදන්ව තිබූ අතර, ෆිලඩෙල්ෆියාවේ අතහැර දැමූ මධ්යම පාසලක් පිටුපස නොගැඹුරු වලක වළ දමා තිබූ දේහය සොයා ගන්නා ලදී. පසුව සිදු කරන ලද ඩීඑන්ඒ පරීක්ෂණ මගින් එය ස්කොට් මෙනෙවියගේ දේහය බව තහවුරු කරගෙන ඇත.
මෙම අතුරුදන්වීම සහ මරණය සම්බන්ධයෙන් 21 හැවිරිදි වියේ පසුවන කියොන් කිං නම් තරුණයෙකුට එරෙහිව චෝදනා ගොනු කර තිබේ. ස්කොට් මෙනෙවියව අවසන් වරට දැක ඇත්තේ ඔහු සමග වන අතර, පැහැරගෙන යාම, ගිනි තැබීම සහ සාක්ෂි වසන් කිරීම ඇතුළු චෝදනා ගණනාවක් ඔහුට එල්ල වී ඇත.
ස්කොට් මෙනෙවියගේ දේහය සොයා ගැනීමට පෙර, කියොන් කිං ට එරෙහිව පැහැරගෙන යාම, නීති විරෝධී ලෙස රඳවා තබා ගැනීම සහ ලුහුබැඳීම යන චෝදනා ගොනු කර තිබුණි.
දේහය හමුවීමෙන් අනතුරුව, ව්යසනයක් සිදු වන පරිදි ගිනි තැබීම, කුමන්ත්රණය කිරීම, මෝටර් රථයක් අනවසරයෙන් භාවිත කිරීම, සාක්ෂි විනාශ කිරීම, අන් අයගේ ජීවිත අනතුරේ හෙළීම සහ සොරකම් කරන ලද දේපළ භාර ගැනීම යන අමතර චෝදනා ද ඔහුට එරෙහිව ගොනු කර ඇත.
මෙම නව චෝදනා, ස්කොට් මෙනෙවිය පැහැර ගැනීම සඳහා භාවිතා කළ බවට විශ්වාස කෙරෙන සොරකම් කරන ලද වාහනයක් ගිනි තැබීමේ සිද්ධියක් හා සම්බන්ධ බව බලධාරීහු පවසති. මරණයට හේතුව තහවුරු කර ගැනීම සඳහා වෛද්ය පරීක්ෂකවරයාගේ වාර්තාව ලැබෙන තෙක් පොලිසිය බලා සිටින අතර, එම වාර්තාව මත පදනම්ව කිං ට එරෙහිව මිනීමැරුම් චෝදනා ගොනු කිරීමට අපේක්ෂා කෙරේ.
ඉතා කාරුණික හා ආදරණීය තරුණියක ලෙස තම දියණියව සිහිපත් කරන කාඩා ස්කොට්ගේ පවුලේ සාමාජිකයින්, මෙම ශෝකී අවස්ථාවේ තමන්ගේ පෞද්ගලිකත්වයට ගරු කරන ලෙස මහජනතාවගෙන් ඉල්ලා සිටියි.
Gossip Lanka N ews
