හිටපු අමාත්‍ය නාමල් රාජපක්ෂ මහතාගේ ජීවිතයට අනතුරක් කිරීමේ සූදානමක් මේ රජය තුළ තිබිය හැකි බවට තමාට බරපතල සැකයක් ඇති බව නීතිඥ මනෝජ් ගමගේ මහතා හිරු රූපවාහිනියේ පැවති වැඩසටහනකදී ප්‍රකාශ කර තිබේ.
තමාට මෙම සැකය ඇතිවී ඇත්තේ මේ දිනවල සිද්ධ වන දේවල් සමඟ බව ඔහු පෙන්වා දෙයි.
ඔහු වැඩිදුරටත් සඳහන් කළේ, තරුණ නායකයෙකු වන නාමල් රාජපක්ෂ අනාගතයේදී අභියෝගයක් වී සිටින බැවින්, ජීවිතය ගැනත් තමාට දැන් බරපතල ප්‍රශ්නයක් පවතින බවයි.
නීතිඥවරයා පෙන්වා දෙන ආකාරයට, දැනට අත්අඩංගුවේ සිටින කෙනෙක්ගේ දුරකථනයේ ‘නාමල්’ යන නම තිබූ බවට තොරතුරු ලැබී ඇත. කෙසේ වෙතත්, මොන නාමල්ද යන්න තමන් දන්නා බව ඔහු සඳහන් කළේය.
ඔහු චෝදනා කරන්නේ, මේ කරන්න හදන්නේ නාමල් රාජපක්ෂට බවත්, මෙය නාමල් රාජපක්ෂට පාතාල සම්බන්ධයක් තියෙනවා වගේ පෙන්නලා එතුමාගේ ජීවිතයට අනුතුරක් කිරීමේ සූදානමක් විය හැකි බවත්ය.
ඔහු තවදුරටත් බිය පළ කරන්නේ, හෙට අනිද්දා නාමාන රාජපක්ෂයට වෙඩි තියලා කියයි, “මෙයාටත් පාතාල සාමාජිකයන් තිබ්බා, ඒකත් මේ පාතාලේ ප්‍රශ්නයක් කියලා” යැයි කීමට ඉඩ ඇති බවයි. පක්ෂයක් ලෙස තවදුරටත් බොරු කියා රාජපක්ෂවරු විනාශ කරන්න ඉඩ නොදෙන බවද නීතිඥ මනෝජ් ගමගේ මහතා අවධාරණය කළේය.
නීතිඥ මනෝජ් ගමගේ මහතා කියා සිටින්නේ, මේ රටේ කවුරු ඝාතනය කරත් කියන්නේ පාතාල ප්‍රශ්නයක් කියලා බවයි. මේ රටේ නීතිගරුක පුරවැසියෙක් විදිහට ඔහු දකින්නේ, ආණ්ඩුවට අභියෝග කරන සියලුම මිනිසුන්ගේ ජීවිතවලට බරපතල තර්ජනයක් එල්ල වී ඇති බවයි.
ඔහු පෙන්වා දෙන්නේ, සාමාන්‍යයෙන් එහෙම තර්ජනයක් එල්ල වූ විට පොලිසියෙන් ආරක්ෂාව ලබා දෙන නමුත්, අද වන විට මරලා දානකම්ම පොලිසිය සද්ද නැතුව බලාගෙන ඉඳලා සිටින බවයි.
මාධ්‍ය වාර්තා උපුටා දක්වමින් ඔහු පවසන්නේ, යම් ලියුමක් දෙන වෙලාවේදී මරණ තර්ජනයක් තිබුණේ නැහැයි කියා පොලිසිය පැවසූ බවත්, එයින් පෙනී යන්නේ වෙඩි තැබුවොත් පමණයි මරණ තර්ජනය තියෙන්නේ කියා වර්තමානයේ සලකන බවත්ය.
මෙම තත්ත්වය භයානක තත්ත්වයක් බවද නීතිඥ මනෝජ් ගමගේ මහතා අවධාරණය කළේය
lanka c news
