දකුණු පළාතේ අද දින සිදු කරන ලද මත්ද්රව්ය වැටලීම් තුනක් එකිනෙකට සම්බන්ධ බවත්, මෙම සියලු සිදුවීම් පිටුපස එකම ප්රධාන පුද්ගලයෙකු සිටින බවටත් පොලිස්පති ප්රියන්ත වීරසූරිය මහතා විසින් අනාවරණය කර ඇත.
පොලිස්පතිවරයා වැඩිදුරටත් සඳහන් කළේ, මෙය එකම සිද්ධියේ සිදුවීම් තුනක් එකම පුද්ගලයෙකු විසින් මෙහෙයවූ සිදුවීමක් බවට මේ වන විට තහවුරු වී ඇති බවයි.
මෙම ජාවාරම සම්බන්ධ බෙදාහැරීම් සිදු කළ මූලික සැකකරු මේ වන විට ජීවිතක්ෂයට පත්ව ඇති බවට විශ්වාස කරන බව පොලිස්පතිවරයා ප්රකාශ කළේය.
තවද, මෙම සිදුවීම් සම්බන්ධයෙන් තවත් පුද්ගලයන් දෙදෙනෙකු ද මියගොස් ඇති බව වාර්තා වේ. ඔවුන් මියගිය ආකාරය පිළිබඳව අධිකරණ වෛද්ය නිලධාරී වාර්තාවලට අනුව ඉදිරි විමර්ශන කටයුතු සිදු කිරීමට නියමිතය.
දින කිහිපයක් පොලිසිය මගහරිමින් සිට අධිකරණයට භාර වූ සම්පත් මනම්පේරි නැමැත්තාගෙන් මේ වන විට ප්රශ්න කරමින් සිටින බව පොලිසිය සඳහන් කරයි.
ඔහුගේ ප්රශ්න කිරීම් අනුව අවි ආයුධ තොගයක් සොයාගෙන ඇත. පොලිස්පතිවරයා අවධාරණය කළේ, මෙම මත්ද්රව්ය ජාවාරම සමඟ සම්පත් මනම්පේරිගේ නොවැළැක්විය හැකි සම්බන්ධයක් අනාවරණය වන බවයි. මොවුන් විශාල ධාරිතාවකින් ජාවාරම් මෙහෙයවූ පුද්ගලයන් ලෙස හඳුනාගෙන තිබේ.
මෙම පුද්ගලයන් සම්බන්ධයෙන් සිදු කෙරෙන විමර්ශන හේතුවෙන් මේ වන විට සියලු තොරතුරු අනාවරණය කළ නොහැකි වුවද, මෙම ජාවාරම්කරුවන් නියෝජනය කළ දේශපාලන පක්ෂ සහ ඔවුන්ට සම්බන්ධ දේශපාලකයින් සිටින බවට හෙළි වී තිබේ.
අනාගතයේදී, මෙම දේශපාලනඥයන්ගෙන් මෙම මත්ද්රව්ය ජාවාරමට ලැබුණු සහයෝගය සහ ඔවුන්ගේ දායකත්වය කුමන ආකාරයේද යන්න නිශ්චිත වශයෙන් හඳුනා ගැනීමට හැකිවනු ඇතැයි පොලිස්පති ප්රියන්ත වීරසූරිය මහතා ප්රකාශ කළේය.
Source – Lanka c news
