කොළඹ මහ නගර සභාවේ අය-වැය දෙවැනි වර කියැවීමේදී ඊට පක්ෂව ඡන්දය දුන් ශ්රී ලංකා මුස්ලිම් කොංග්රසයේ මන්ත්රී ජොවාරා බුවාරිගේ පක්ෂ සාමාජිකත්වය වහාම ක්රියාත්මක වන පරිදි අත්හිටුවා ඇත.
පක්ෂ නායක රවුෆ් හකීම් විසින් සිය පක්ෂයේ සාමාජිකයන්ට අය-වැයට විරුද්ධ වන ලෙස පෞද්ගලිකව උපදෙස් දී තිබියදීත්, ඇය අය-වැය යෝජනාවට පක්ෂව ඡන්දය දුන් බැවින් මෙම පක්ෂ සාමාජිකත්වය අහිමි කිරීමට මුල්වී ඇතැයි ශ්රී ලංකා මුස්ලිම් කොංග්රසයේ ලේකම් නිසාම් කාරියප්පර් විසින් නිකුත් කරන ලද ලිපියක සඳහන්ය.
ඇයගේ හැසිරීම “පක්ෂ විනය දැඩි ලෙස උල්ලංඝනය කිරීමක්” ලෙස ද එහි සඳහන් කර ඇත.
මේ සම්බන්ධයෙන් නිදහසට කරුණු පැහැදිලි කරමින් සතියක් ඇතුළත දිවුරුම් ප්රකාශයක් ඉදිරිපත් කරන ලෙස එම ලිපියෙන් ඇයට දැනුම් දී තිබේ.
Source – Dinamina
