රටේ ඇතිවූ ව්යසනකාරී තත්ත්වය කුමන රජයකටවත් පාලනය කර ගැනීමට නොහැකියි. ඒ නිසා වර්තමාන රජයට මේ සම්බන්ධයෙන් ඍජුව චෝදනා එල්ල කරන්න සමගි ජන බලවේගය කිසිසේත් කටයුතු කරන්නේ නැතැයි පාර්ලිමේන්තු මන්ත්රී සුජිත් සංජය පෙරේරා මහතා පැවසීය.
සමගි ජන බලවේග ප්රධාන කාර්යාලයේ පෙරේදා (03) පැවැති මාධ්ය හමුවට සහභාගි වෙමින් පාර්ලිමේන්තු මන්ත්රී සුජිත් සංජය පෙරේරා මහතා මේ බව සඳහන් කළේය.
වැඩිදුරටත් ඒ මහතා මෙසේ ද පැවසීය.
මෙවැනි ව්යසනකාරී තත්ත්වයක් කුමන රජයකටවත් පාලනය කර ගැනීමට නොහැකියි. ඒ නිසා වර්තමාන රජයට මේ සම්බන්ධයෙන් ඍජුව චෝදනා එල්ල කරන්න සමගි ජන බලවේගය කිසිසේත් කටයුතු කරන්නේ නැහැ. සති කිහිපයකට පෙර කාලගුණ විද්යා දෙපාර්තමේන්තුව සහ විදෙස් රටවල සිටින කාලගුණය සම්බන්ධයෙන් විශේෂඥ දැනුමක් තිබෙන පිරිස් මේ ආපදා තත්ත්වය පිළිබඳව පූර්ව දැනුම්දීමක් සිදුකර තිබුණා. නමුත් වර්තමාන රජය මේ සම්බන්ධයෙන් පැහැදිලි වැඩපිළිවෙළක් ක්රියාත්මක කළේ නැහැ. ඒ වගේම මේ ආපදාව පිළිබඳව රජය පූර්ව අවදානම් තත්ත්වයක් ප්රකාශ කළේ නැහැ. මේ තත්ත්වය පිළිබඳව අදාළ නිලධාරීන් සහ ජනතාව දැනුම්වත් කිරීමටත් රජය කිසිම වැඩපිළිවෙළක් ක්රියාත්මක කළේ නැහැ.
රක්ෂණ ශ්රියන්ත
Source – Dinamina
