පාර්ලිමේන්තු මන්ත්රී නාමල් රාජපක්ෂට එක්සත් රාජධානියේ ප්රසිද්ධ විශ්වවිද්යාල වේදිකා දෙකක්ම අහිමි වූ බවට වාර්තා වේ.
ඔහුට Oxford Union ශිෂ්ය සංගමය ඇමතීමට නියමිතව තිබූ දේශනය, එයට එල්ල වූ සිසු විරෝධතා හේතුවෙන් අවලංගු කර ඇති බව විදෙස් මාධ්ය වාර්තා කරයි. එම දේශනය අද දින පැවැත්වීමට සැලසුම් කර තිබූ අතර, මේ වනවිට නාමල් රාජපක්ෂ එංගලන්තයේ සිටින බවද කියවේ.
කේම්බ්රිජ් එකත් කලින්ම නවතා
මෙය එකම සිදුවීමක් නොවේ. මීට පෙර, Cambridge Union ශිෂ්ය සංගමය ඇමතීමට ඔහුට තිබූ අවස්ථාවද විරෝධතා මධ්යයේ අවලංගු කර තිබුණි.
ඒ අනුව, බ්රිතාන්යයේ ප්රසිද්ධ විශ්වවිද්යාල දෙකක්ම ඔහුගේ දේශන අවලංගු කළ බවට දැන් කතාබහක් මතුව තිබේ.
2010 මතකය නැවත මතු වෙයි
මෙය නව සිදුවීමක් වුවද, ශ්රී ලාංකීය දේශපාලනයට නම් අළුත් දෙයක් නොවේ.
2010දී හිටපු ජනාධිපති මහින්ද රාජපක්ෂටද Oxford Union සංගමය ඇමතීමට ආරාධනා ලැබී තිබුණි.
නමුත් එම අවස්ථාවේදී දෙමළ ඩයස්පෝරාවේ විරෝධතා හේතුවෙන් දේශනය අවලංගු කිරීමට සිදු විය. ඒ සිදුවීම එදා විශාල ජාත්යන්තර අවධානයක් දිනාගත් එකක් විය.
සමාජ මාධ්යවල උණුසුම් සංවාදයක්
මෙම නව අවලංගු කිරීම් පිළිබඳව සමාජ මාධ්යවල විවිධ ප්රතිචාර දක්නට ලැබේ.
සමහරු මෙය ප්රජාතන්ත්රවාදී අදහස් හුවමාරුවට බාධාවක් ලෙස දක්වද්දී, තවත් පිරිසක් එය සිසුන්ගේ ප්රජාතන්ත්රවාදී විරෝධ ප්රකාශනයක් ලෙස විස්තර කරති.
කෙසේ වෙතත්, රාජපක්ෂ පවුලේ සාමාජිකයෙකුට Oxford වේදිකාව අවලංගු වීම මෙය දෙවන වතාව බවට දැන් පුළුල් ලෙස කතාබහට ලක්ව තිබේ.(Ape Rata)
