මුළු රටම ශ්රී ලංකා කණ්ඩායමේ ජයග්රහණය උත්සවශ්රීයෙන් සමරද්දී, ක්රිකට් ලෝලීන්ගේ හදවත මොහොතකට නතර කරවන පුවතක් අද රාත්රියේ වාර්තා වුණා.
ඒ අපේ වේග පන්දු බලඇණියේ ප්රබලතම තුරුම්පුවක් වන මතීෂ පතිරණ, ඔස්ට්රේලියානු තරගය අතරතුරදී බරපතළ ආබාධයකට ලක්වීමේ පුවතයි.
ප්රබල ඔස්ට්රේලියානු පිතිකරුවන් අසරණ කරමින් සිටි මතීෂ පතිරණ, පන්දු යවමින් සිටියදී එක්වරම සිය වම් කලවා ප්රදේශය අල්ලාගනිමින් වේදනාවෙන් ඉඟි කරන අයුරු දැකගත හැකි වුණා.
මූලික පරීක්ෂණවලින් අනාවරණය වී ඇත්තේ ඔහුගේ වම් කලවා ප්රදේශයේ මස් පිඩුවක් ඇදීමකට ලක්ව ඇති බවයි.
ශ්රී ලංකා ක්රිකට් ආයතනය සඳහන් කරන ආකාරයට, මතීෂගේ ආබාධයේ බරපතළකම තවමත් නිශ්චිතවම පැවසිය නොහැක.
ඒ පිළිබඳව අවසන් තීරණය ගැනීම සඳහා හෙට දිනයේදී ඔහුව විශේෂ ස්කෑන් (MRI Scan) පරීක්ෂණයකට භාජනය කිරීමට නියමිතයි.
සුපිරි 8 දෙනාගේ වටය හෙට අනිද්දාම ආරම්භ වන නිසා, මතීෂට ඉදිරි තරග ක්රීඩා කිරීමට හැකි වේවිද යන්න ගැන මුළු රටේම අවධානය දැන් යොමු වී තිබෙනවා.
