විදුලිය බිඳ වැටී තිබූ හලාවත මූලික රෝහලේ ප්‍රතිකාර ලබමින් සිටි අසාධ්‍ය තත්වයේ පසුවූ දින 28ක් සහ දින 35ක් වයසැති බිළිඳුන් දෙදෙනකු එම රෝහලේ වෛද්‍යවරු දෙදෙනකු ගේ සහාය ඇතිව ශ්රී ලංකා ගුවන් හමුදාව විසින් අද (29) ගුවනින් ගෙනැවිත් කොළඹ රිජ්වේ ආර්යා ළමා රෝහලට ඇතුළත් කර තිබෙනවා.
එම දරුවන් දෙදෙනා සමඟ වයස අවුරුදු 10ක දරුවකු ද ප්‍රතිකාර සඳහා රිජ්වේ ආර්යා ළමා රෝහලට රැගෙන ආ බව ද ගුවන් හමුදාව සඳහන් කරනවා.
ශ්‍රි ලංකා ගුවන් හමුදා කදවුරේ අංක 04 වන බළගණයට අයත් Bell- 412 හෙලිකොප්ටර් යානයක් මගින් මෙම දරුවන් කටුනායක කඳවුර වෙත රැගෙන විත් ගිලන් රථයක් ආධාරයෙන් රෝහල් ගත කළ බව ද ගුවන් හමුදාව පවසනවා.
