පවතින හදිසි ආපදා තත්ත්වය මත සාමාන්‍ය කාර්යාල කටයුතු පවත්වා ගෙන යාමේ දී මුහුණ දෙන ගැටලු සැලකිල්ලට ගෙන 2025.11.28 සිකුරාදා දිනය රජයේ කාර්යාල සඳහා විශේෂ නිවාඩු දිනයක් ලෙස රජය විසින් ප්‍රකාශයට පත්කර ඇත.
රජයේ අත්‍යවශ්‍ය සේවාවන් හා ආපදා සහන සේවාවන්ට අදාළ නිලධරයන් සේවයට කැඳවීමට ඉහත නිවාඩුව බාධාවක් නොවිය යුතු බවත් රජය දන්වයි.
අත්‍යවශ්‍ය සේවා සහ ආපදා සහන සේවා හැර අනෙකුත් සියලු රාජ්‍ය සේවකයින්ට හෙට (නොවැ. 28) විශේෂ නිවාඩු දිනයක් ලබා දී ඇති බව රාජ්‍ය පරිපාලන අමාත්‍යාංශය පවසයි.
නිවේදනයක් නිකුත් කරමින් එම අමාත්‍යාංශය සඳහන් කළේ, පවතින හදිසි ආපදා තත්ත්වය මත සාමාන්‍ය කාර්යාල කටයුතු පවත්වා ගෙන යාමේදී මුහුණ දෙන ගැටලු සැලකිල්ලට ගෙන මෙම තීරණය ගත් බව ය.
