මැදපෙරදිග කලාපයේ වර්තමාන ආරක්ෂක තත්ත්වය සැලකිල්ලට ගනිමින්, සෞදි අරාබියේ වෙසෙන ශ්රී ලාංකිකයන් සියලු දෙනා අවධානයෙන් හා සැලකිලිමත් ලෙස කටයුතු කරන ලෙස එරට පිහිටි ශ්රී ලංකා තානාපති කාර්යාලය දැනුම් දී තිබේ.
හදිසි නිවේදනයක් නිකුත් කරමින් තානාපති කාර්යාලය අවධාරණය කර ඇත්තේ, නිල ආරංචි මාර්ගවලින් පමණක් තොරතුරු ලබාගෙන විශ්වාස කරන ලෙසයි. එමෙන්ම සෞදි අරාබි රාජධානියේ අධිකාරීන් විසින් නිකුත් කරන උපදෙස් මෙන්ම රියාද්හි ශ්රී ලංකා තානාපති කාර්යාලය හා ජෙඩාහි කොන්සල් ජනරල් කාර්යාලය විසින් ලබාදෙන මාර්ගෝපදේශ අනුව ක්රියා කරන ලෙසද ඉල්ලා ඇත.
අසත්ය හෝ තහවුරු නොකළ තොරතුරු පැතිරවීමෙන් වළකින ලෙසත්, ආරක්ෂක උපදෙස් නිකුත් කර ඇති ප්රදේශවලට ගමන් කිරීමෙන් වැළකී සිටින ලෙසත් ලාංකිකයන්ට දැනුම් දී තිබේ. එසේම, සියලු ගමන් ලේඛන හා හඳුනාගැනීමේ ලේඛන පහසුවෙන් ලබාගත හැකි ලෙස තබාගැනීම වැදගත් බවද සලකා බලයි.
ශ්රී ලාංකිකයන්ගේ ආරක්ෂාව සහ සුබසාධනය වෙනුවෙන් තානාපති කාර්යාලය පැය 24 පුරා ක්රියාත්මක හදිසි සම්බන්ධතා අංක කිහිපයක්ද හඳුන්වා දී ඇත.
දුරකතන අංක: +966 54 947 7567 / +966 56 982 2700
WhatsApp / IMO සඳහා: +966 56 975 3380
විද්යුත් තැපෑල: **[[email protected]](mailto:[email protected])
අත්යවශ්ය අවස්ථාවලදී මෙම සම්බන්ධතා මාර්ග භාවිතා කර නිල උපදෙස් ලබාගන්නා ලෙස සෞදි අරාබියේ සිටින ලාංකිකයන්ට තානාපති කාර්යාලය ඉල්ලීමක් කරයි.
