ශ්රී ලංකාව අධි අවදානම් සංචාරක ගමනාන්තයක් ලෙස වර්ගීකරණය කර ඇති බවට පළවන වාර්තා කොළඹ ඕස්ට්රේලියානු මහකොමසාරිස් කාර්යාලය ප්රතික්ෂේප කර ඇත.
මහකොමසාරිස් කාර්යාලය සඳහන් කළේ, ශ්රී ලංකාව සඳහා ඕස්ට්රේලියාවේ නිල සංචාරක උපදෙස් මට්ටම කිසිදු ලෙස වෙනස් වී නොමැති බවයි. නිවැරදි සහ යාවත්කාලීන සංචාරක උපදෙස් සඳහා සංචාරකයින් නිල “SmartTraveller” වෙබ් අඩවිය භාවිතා කිරීමට කාර්යාලය යෝජනා කරයි.
සමාජ මාධ්යවල සංසරණය වන ඇතැම් පණිවුඩ ශ්රී ලංකාව සඳහා ඕස්ට්රේලියාවේ සංචාරක උපදේශන මට්ටම වෙනස් වූ බව වැරදි ලෙස දැක්වීමේ උත්සාහයක් බව මහකොමසාරිස් කාර්යාලය අවධාරණය කරයි.
නවතම සංචාරක මාර්ගෝපදේශ සඳහා සංචාරකයින් සැමවිටම SmartTraveller වෙත යොමු විය යුතු බව, මහකොමසාරිස් කාර්යාලය වැඩිදුරටත් අවධාරණය කරයි.
