සති දෙකක කාලයක් පුරා ඉරාන රජයට එරෙහිව පැවැත්වෙන අඛණ්ඩ මහජන විරෝධතාවලින් මියගිය සංඛ්යාව අද (12) අලුයම වනවිට 500 ඉක්මවන විදෙස් වාර්තා සඳහන් කරයි.
මියගිය පුද්ගලයන්ගෙන් 490ක්ම විරෝධතාකරුවන් වන අතර, ආරක්ෂක නිලධාරීන් 48කටද දිවි අහිමිවී ඇති බව එම වාර්තා පෙන්වා දේ.
මේ වනවිට විරෝධතා පැවැත්වෙන ප්රදේශවල ඇතැම් රෝහල්, මියගිය හෝ තුවාල ලැබූ පිරිස්වලින් පිරි ගොස් ඇති බව රෝහල් බලධාරීන් පවසනවා.
ටෙහෙරාන් හි රෝහල් ආරංචිමාර්ග BBC මාධ්ය වෙත පවසා ඇත්තේ, රෝහල් වෙත රැගෙන ආ බහුතරයක් අවුරුදු 20ත් 25ත් අතර වයසේ පසුවන තරුණයන් බවය.
ඉන් බොහෝ දෙනෙකුගේ හිසට හෝ පපු ප්රදේශයට වෙඩි වැදී තිබූ බව එහි දැක්වේ.
අධික රෝගී තදබදය හේතුවෙන් රැගෙන එන රෝගීන්ට මූලික ප්රතිකාර පවා ලබාදීමට කාලය නොමැති අතර, ඇතැම් රෝහල්වල මෘත ශරීරාගාර ද මේ වනවිට පිරි පවතින බවද එම වාර්තා වේ දැක්වේ.
විරෝධතා පාලනය කිරිමේ අරමුණින් රජය දියත් කළ අන්තර්ජාල සැපයුම් කප්පාදුව තවදුරටත් ක්රියාත්මකය.
මේ අතර අමෙරිකානු ජනාධිපති ඩොනල්ඩ් ට්රම්ප් සිය ටෘෘත් සෝෂල් සමාජ මාධ්යයේ සටහනක් තබමින් ට්රම්ප් පවසා තිබූ ‘ඉරානයේ මහජන විරෝධතාවට අමෙරිකාව උදව් කිරීමට සූදානමින්’ ප්රකාශයට ඉරානය ප්රතිචාර දක්වා තිබේ.
ඉරානය පවසන්නේ, අමෙරිකාව ඉරානයට ප්රහාර එල්ල කළහොත් ඊට එරෙහිව ඊශ්රායලය සහ අමෙරිකානු කඳවුරු වෙත ප්රතිප්රහාර එල්ල කරන බවය.
ada derana
