මැදපෙරදිග කලාපයේ තීව්ර වෙමින් පවතින යුදමය තත්ත්වය හේතුවෙන් ලෝක වෙළඳපොළේ බොරතෙල් මිල වේගයෙන් ඉහළ යාමේ අවදානමක් මතුව තිබේ. එම තත්ත්වය පාලනය කරමින් ගෝලීය තෙල් සැපයුම ස්ථාවරව තබා ගැනීම සඳහා International Energy Agency (IEA) විසින් විශාල පියවරක් ගැනීමට තීරණය කර ඇත.
එහි අනුව බැරල් මිලියන 400ක පමණ අමතර තෙල් සංචිතයක් වෙළඳපොළට මුදාහැරීමට එම සංවිධානයේ සාමාජික රටවල් එකමතිකව එකඟතාවයකට පැමිණ තිබේ.
විදෙස් මාධ්ය වාර්තා පෙන්වා දෙන්නේ, ලෝක ඉතිහාසයේ මෙතෙක් සිදුකළ විශාලතම හදිසි තෙල් සංචිත මුදාහැරීම ලෙස මෙම පියවර සැලකෙන බවයි.
මෙම තීරණයට ප්රධාන හේතුව ලෙස දැක්වෙන්නේ මැදපෙරදිග ප්රදේශයේ ආරක්ෂක අර්බුද හේතුවෙන් Strait of Hormuz අවහිර වීමෙන් ගෝලීය තෙල් සැපයුමට එල්ල වී ඇති බලපෑමයි. ලෝකයට අවශ්ය තෙල් ප්රවාහනයේ විශාල කොටසක් මෙම සමුද්ර සන්ධිය හරහා සිදුවන බැවින්, එය අවහිර වීම වෙළඳපොළට දැඩි බලපෑමක් ඇති කර තිබේ.
ඒ අනුව වෙළඳපොළේ ඇතිවිය හැකි තෙල් හිඟය අවම කරමින් මිල ඉහළ යාම පාලනය කිරීම සඳහා මෙම අමතර සංචිත වෙළඳපොළට නිකුත් කිරීමට පියවර ගත් බව විදෙස් පුවත් සේවා වැඩිදුරටත් සඳහන් කරයි.
