පවතින ගැටුම්කාරී තත්ත්වය හේතුවෙන්, ඊශ්රායලයේ උතුරු කලාපයේ සේවය කරන ශ්රී ලාංකිකයන්ට ආරක්ෂාව පිළිබඳ වැඩි අවධානයෙන් පසුවන ලෙස, ඊශ්රායල ශ්රී ලංකා තානාපති කාර්යාලය උපදෙස් දුන් බව වාර්තා වේ.
ඊශ්රායල ශ්රී ලංකා තානාපති Nimal Bandara මහතා පැවසුවේ, හිස්බුල්ලා සංවිධානය විසින් උතුරු කලාපයට මිසයිල් ප්රහාර එල්ල කරන අවස්ථා වැඩිවන බව නිරීක්ෂණය වී ඇති බවයි. ඒ අනුව, හයිෆා, නහරියා, අර්කෝ, ගැලීලි, අෆුලා, කර්මෙල් කඳුවැටිය, නාසරෙත්, සහ තිබෙරියා ආදී ප්රදේශවල ජීවත් වන ශ්රී ලාංකිකයන්, ලෙබනනය දෙසින් එල්ල විය හැකි ප්රහාර සහ රට තුළ ඇති විවිධ කණ්ඩායම් විසින් සිදු කළ හැකි ප්රකෝපාකාරි සිද්ධීන් පිළිබඳවත් සලකුණ යොමු කළ යුතු බව ද ඔහු අවධාරණය කළේය.
කෙසේ වෙතත්, මේ වනවිට ඉරානයෙන් එල්ල වන ප්රහාර අඩුවීමක් දක්නට ඇති බව තානාපති මහතා සඳහන් කරයි. උතුරු ඊශ්රායල් කලාපයේ සේවය කරන 9,000 කට අධික ශ්රී ලාංකිකයන් නිසා, එරට ආරක්ෂක හමුදාව, රජයේ මාධ්ය, PIBA ආයතනය සහ තානාපති කාර්යාලය විසින් ලබාදෙන උපදෙස් පිළිපදිමින් නිරන්තර අවධානයෙන් කටයුතු කරන ලෙසත් ඉල්ලා සිටී.
ඕනෑම ප්රහාරයකදී, ඊශ්රායල් ගිලන් රථ සේවාව නොමිලේ ලබා ගත හැකි අතර, ඔබ සිටින ස්ථානයේ (Location) විස්තර සමග 101 අංකයට ඇමතීමෙන් සේවාව ලබාගත හැක. අමතරව, අවශ්ය උපදෙස් සඳහා තානාපති කාර්යාලයේ WhatsApp අංක 00972-559305731 සතියේ දින 7ම ඇමතිය හැක.
