පාර්ලිමේන්තු අයවැය විවාදය පැවතෙනන මෙම සමය තුළ පාර්ලිමේන්තු සංකීර්ණය තුළදී මාධ්යවේදිනියකට අපහාස කිරීමේ සිද්ධියක් වාර්තා වී තිබේ.
ජාතික පුවත්පතක සමාජ-දේශපාලන ක්ෂේත්රය පිළිබඳ වාර්තාකරණයේ නියුතු, සම්මුඛ සාකච්ඡා පැවැත්වීමේ නිපුණතාවයෙන් යුත් තරුණ මාධ්යවේදිනියක් විපක්ෂ මන්ත්රීවරයෙකු සමඟ සම්මුඛ සාකච්ඡාවක් සඳහා පාර්ලිමේන්තුවට පැමිණ ඇත.
ඇය ජනතා විමුක්ති පෙරමුණේ (ජ.වි.පෙ.) තොරතුරු වාර්තාකරණ කටයුතු භාරව සිටින අතර, පක්ෂ නායක ජනාධිපති අනුර දිසානායක මහතා ඇතුළු පක්ෂයේ සාමාජිකයන් සමඟ සමීප වෘත්තීය සබඳතා පවත්වන්නීය.
පාර්ලිමේන්තු මන්ත්රී පුස්තකාලය තුළදී සම්මුඛ සාකච්ඡාව අවසන් කිරීමෙන් පසු, අදාළ මාධ්යවේදිනිය විපක්ෂයේ මන්ත්රී චමින්ද්රානි කිරිඇල්ල මහත්මිය සමඟ සාකච්ඡා කරමින් පුස්තකාලයෙන් පිටතට පැමිණ තිබේ. මේ මොහොතේ, වත්මන් ආණ්ඩුවේ නියෝජ්ය අමාත්යවරයෙකු ඔවුන්ට මුහුණට මුහුණ හමු වී ඇත.
නියෝජ්ය අමාත්යවරයා වහාම නැවතී, මාධ්යවේදිනිය දෙස අසාමාන්ය ලෙස ඉහළ සිට පහළටත්, පහළ සිට ඉහළටත් විමසා බැලීමට පටන් ගෙන ඇත. මන්ත්රීනී කිරිඇල්ල මහත්මිය මේ තත්ත්වය විමතියෙන් යුතුව නිරීක්ෂණය කර ඇති අතර, එහිදී නියෝජ්ය අමාත්යවරයා මාධ්යවේදිනිය අමතා ප්රකාශ කර ඇත්තේ ඇය හඳුනා ගැනීමට අපහසු වන තරමට “මාර විදියට වෙනස් වෙලා” ඇති බවයි.
මාධ්යවේදිනිය සිනහවකින් යුතුව එය ලෝක ස්වභාවය ලෙස සලකමින් සැහැල්ලුවෙන් ප්රතිචාර දැක්වූ නමුත්, නියෝජ්ය අමාත්යවරයා සිය ප්රකාශය ඉදිරියට ගෙන යමින්, ඇය “මහත් වෙලා, පුපුරලා යයි” සහ “දැන් බලන්නකෝ මෙයාගේ කැත” ලෙස රළු ලෙස ඇයගේ ශරීර ස්වභාවය විවේචනය කර ඇත.
මෙයින් කෝපයට පත් මාධ්යවේදිනිය, සිය රූ සපුව පිළිබඳව අමාත්යවරයාට වගකීමක් නොමැති බවත්, තමන්ගේ කටයුතු තමා බලා ගන්නා බවත් පවසා, ඔහුට යන්නට ඇති ස්ථානයක යන ලෙස පවසා ඇත. නියෝජ්ය අමාත්යවරයා තවදුරටත් කතාව දිගට ඇදීමට උත්සාහ කළ අවස්ථාවේදී, මන්ත්රී කිරිඇල්ල මහත්මිය කතාව වෙනත් අතකට හැරවීමට උත්සාහ කළද එය අසාර්ථක වී ඇත.
අනතුරුව මාධ්යවේදිනිය නියෝජ්ය අමාත්යවරයාගේ පෙනුම විවේචනය කරමින්, ඔහු ටයි-කෝට් දමාගෙන සිටියත් “ඩයබිටික් හැදිච්ච නාකි පප්ප කෙනෙක් වගේ” බව පවසා ඇත.
දෙපාර්ශ්වය අතර උණුසුම් වූ මෙම වාද විවාදය, අවට සිටි මන්ත්රීවරුන් කිහිප දෙනෙකු (චතුර ගලප්පත්ති සහ චිත්රාල් ප්රනාන්දු ඇතුළු පිරිසක්) මැදිහත් වී නියෝජ්ය අමාත්යවරයාව එම ස්ථානයෙන් ඉවත් කර ගැනීමත් සමඟ අවසන් වී තිබේ. මන්ත්රීවරුන් පවසා ඇත්තේ අමාත්යවරයාට ඇය සමඟ “ලොකු ඇරියස් එකක්” තිබෙන බවයි.
අනෙකුත් මන්ත්රීවරුන් මාධ්යවේදිනියට උපදෙස් දී ඇත්තේ, මේ පිළිබඳව ඉහලටම පැමිණිලි කරන ලෙසයි.
වාර්තා වන පරිදි, මාධ්යවේදිනිය ඒ අනුව, ඉහලටම දුරකථනයෙන් දැනුම් දී ඇති අතර, පක්ෂ ලේකම්ටද ලිඛිත පැමිණිල්ලක් ඉදිරිපත් කර ඇත.
උපුටා ගැනීම : ලංකා සී නිව්ස්
