විදුලිබල හා බලශක්ති නියෝජ්ය අමාත්ය අක්රම් ඉල්ලෙයාස් පවසන ලෙස, නොරොච්චෝල ලක්විජය බලාගාරය ඉදිකර ඇති ස්ථානය සම්පූර්ණයෙන්ම වැරදිය. එම ස්ථානයේ වරායක් නොමැති වීම හේතුවෙන් ගල්අඟුරු ගොඩබැම් ක්රියාවලියේදී දැඩි තාක්ෂණික හා ප්රායෝගික ගැටලු ඇතිවී තිබේ.
“බලාගාරය පිහිටි ස්ථානයේ නැව් පැමිණීමට අවශ්ය වරායක් නැත. මුහුදු තීරය ඉතා නොගැඹුරු නිසා, ගල්අඟුරු ගෙන්වීම සඳහා තිබෙන කාල සීමාව ඉතා සීමිතයි,” යැයි අමාත්යවරයා වැඩිදුරටත් පැහැදිලි කළේය.
ඔහු සඳහන් කළේ, “දින පහෙන් පහට නැව් පැමිණෙන විට, උපරිම වශයෙන් නැව් 38 සිට 44 ක් අතර ප්රමාණයක් පමණක් ගෙන්වා ගත හැක. එක නැවක් ප්රමාද වුවහොත්, පරිපාලන කාලසටහනේ සියලු වැඩ අවලංගු වී, අවශ්ය ගල්අඟුරු ප්රමාණය ලබාගැනීම අසම්භාව්ය වේ.”
ගල්අඟුරු ප්රමිතිය අඩු බවට ඇති චෝදනා සම්බන්ධයෙන්ද අක්රම් ඉල්ලෙයාස් පැවසුවේ, මෙතෙක් පැමිණි නැව් 6 කම පමණක් GCV අගය 5,900 ට වඩා වැඩි බවත්, එක් නැවක් පමණක් ප්රමිතිය අඩු වූ බවත්ය. ජාත්යන්තර ගිවිසුම් අනුව, නැව් දෙකක් අඛණ්ඩව ප්රමිතියෙන් තොර විය යුතු බවත් එවැනි තත්ත්වයක් සිදුවී නොමැති බවත් ඔහු පැහැදිලි කළේය.
තවද, 2025/26 වසර සඳහා ගල්අඟුරු මිලදී ගැනීමේ ටෙන්ඩර් ක්රියාවලිය සම්පූර්ණ විනිවිදභාවයෙන් සිදුකල අතර, ඉතිහාසයේ වැඩිම සමාගම් සංඛ්යාවක් වන සමාගම් 11ක් මෙම ටෙන්ඩර් සඳහා ඉදිරිපත් වූ බව අමාත්යවරයා සඳහන් කළේය.
අමාත්යවරයා අවධාරණය කළේ, කිසිදු අභියාචනයක් හෝ නීතිමය ගැටළුවක් මෙතෙක් මතු වී නැත. විපක්ෂ පක්ෂය පදනම් විරහිත චෝදනා නගමින් ජනතාව බිය කිරීමට උත්සාහ කරන බවත්ය.(Ape Rata)
