ශ්රී ලංකා ජාතික ක්රිකට් කණ්ඩායමේ ප්රධාන පුහුණුකරු ලෙස කටයුතු කළ සනත් ජයසූරිය මහතා, සිය සමුගැනීම පිළිබඳව අදහස් දක්වමින් කණ්ඩායම මුහුණදුන් අභියෝග රැසක් ගැන සංවේදීව හෙළි කළේය.
ඔහු සඳහන් කළේ, කණ්ඩායම ගොඩනැගීමේදී ක්රීඩකයින් 25–30ක් පමණ සලකා බලමින් ඉදිරියට ගිය බවත්, නමුත් ප්රධාන ක්රීඩකයන් කිහිප දෙනෙකුට තුවාල සිදුවීම හේතුවෙන් සැලසුම් බිඳ වැටුණු බවත්ය. විශේෂයෙන් වනිදු හසරංග සහ මතීෂ පතිරණ වැනි ක්රීඩකයින්ට සමාන Replacement සොයා ගැනීම අතිශයින් දුෂ්කර වූ බව ඔහු පැවසීය.
එමෙන්ම කුසල් මෙන්ඩිස්ට ඇති වූ Hamstring තුවාලයත්, T20 ක්රිකට් සඳහා වැඩි අවධානයක් දී ගොඩනැගූ එශාන් මාලිංගගේ Shoulder Dislocation තුවාලයත් කණ්ඩායමට දැඩි බලපෑමක් එල්ල කළ බවත් ජයසූරිය මහතා සඳහන් කළේය.
“අපිට තියෙන Resources එක්ක තමයි Replacement කරේ. සමහරවිට ඒ අයට ඒ Shoe එක ලොකු වෙන්න පුළුවන්,” යනුවෙන් ඔහු අවංකව පිළිගත්තේය.
බෝලින් ප්රහාරය අවසානයේ දුෂ්මන්ත චමීර සහ මහීශ් තීක්ෂණ දෙදෙනා මත බරපතළව පැටලුණු බවත්, ඔවුන් දෙදෙනාම 100% කැපවීමෙන් ක්රීඩා කළ බවත් ඔහු ප්රශංසා කළේය.
කණ්ඩායමක් ලෙස තවදුරටත් දියුණු විය යුතු බොහෝ දේ ඇති බවත්, විනය සහ ව්යුහය ගොඩනැගීමට තමන් කටයුතු කළ බවත් ජයසූරිය මහතා පැවසීය.
සමුගැනීම පිළිබඳව අදහස් දක්වමින් ඔහු අවසානයේ සංවේදීව මෙසේ කියා සිටියේය:
“අපි මේ තැන් වල හැමදාම ඉන්නෙ නෑ. මේවා තාවකාලික දේවල්. බෞද්ධ දර්ශනයේ කියනවා වගේ — හැමදේම අනිත්යයි.”
සනත් ජයසූරියගේ මෙම ප්රකාශය, ශ්රී ලංකා ක්රිකට් තුළ පවතින යථාර්ථය හා අනාගතය පිළිබඳ ගැඹුරු පණිවිඩයක් ලෙස ක්රීඩා ලෝකයේ අවධානය දිනාගෙන ඇත.
