හෝමූස් සමුද්ර සන්ධිය හරහා ගමන් කරන තෙල් ප්රවාහන නෞකා සඳහා විශේෂ ආරක්ෂාවක් ලබාදීමට එක්සත් ජනපද නාවික හමුදාව සූදානම් කර ඇති බව ඇමරිකානු ජනාධිපති Donald Trump පවසයි.
සමාජ මාධ්ය ඔස්සේ ප්රකාශයක් නිකුත් කරමින් ඔහු සඳහන් කර ඇත්තේ, ගල්ෆ් කලාපය හරහා ගමන් කරන බලශක්ති නෞකා සුරක්ෂිත කිරීම ඇමරිකාවගේ ප්රමුඛතාවයක් බවයි. එමෙන්ම, එම නෞකා සඳහා දේශපාලන අවදානම් රක්ෂණ සහ මූල්ය ආරක්ෂණ සහතික ලබාදෙන ලෙස United States International Development Finance Corporation වෙත උපදෙස් ලබා දී ඇති බවද ඔහු කියා සිටියේය.
ගෝලීය බලශක්ති සැපයුම් අඛණ්ඩව සහ නිදහසේ ගලා යාම වොෂින්ටනය විසින් සහතික කරන බවත්, එය ජාත්යන්තර වෙළෙඳාමට අත්යවශ්ය කරුණක් බවත් ජනාධිපතිවරයා අවධාරණය කර තිබේ.
මේ අතර, Strait of Hormuz වසා දැමීමට පියවර ගන්නා බව Iran මීට පෙර ප්රකාශ කර තිබීමත් සමඟ කලාපයේ උණුසුම් තත්ත්වයක් ඇතිව තිබේ. ලෝකයේ තෙල් ප්රවාහනයේ විශාල කොටසක් මෙම සමුද්ර මාර්ගය හරහා සිදු වන බැවින්, එහි ආරක්ෂාව සම්බන්ධයෙන් ගන්නා තීරණ ගෝලීය ආර්ථිකයටත් සෘජුව බලපාන බව විශ්ලේෂකයින් පෙන්වා දෙති.
