ජනාධිපති ඩොනල්ඩ් ට්රම්ප්ගේ නියෝගය යටතේ ක්රියාත්මක වන අමෙරිකානු හමුදා මෙහෙයුම, ඉතිහාසයේ වඩාත්ම සංකීර්ණ සහ මාරාන්තික ගුවන් මෙහෙයුමක් බව අමෙරිකානු ආරක්ෂක ලේකම් පීට් හෙග්සෙත් පවසයි.
ඔහු මෙම අදහස ප්රකාශ කළේ ඉරානයට එරෙහිව ක්රියාත්මක වන මෙහෙයුම් පිළිබඳ විශේෂ මාධ්ය හමුවකදීය. එහිදී ඔහු අවධාරණය කළේ, වසර 47ක ඉරාන සටන්කාමීත්වයට ජනාධිපති ට්රම්ප් විසින් තිත තබා ඇති බවයි.
“අපි යුද්ධය ආරම්භ කළේ නැහැ, නමුත් ජනාධිපති ට්රම්ප් යටතේ අපි එය අවසන් කරනවා.” – හෙග්සෙත්
ඉරානය වැනි රටවල න්යෂ්ටික අවි නොතිබිය යුතු බවත්, එය වැළැක්වීමට අවශ්ය බලය ජනාධිපති ට්රම්ප් සතු බවත් ඔහු දක්වා ඇත. පසුගිය වසරේ ක්රියාත්මක වූ *ඔපරේෂන් මිඩ්නයිට් හැමර්’ මගින් ඉරානයේ න්යෂ්ටික මධ්යස්ථාන විනාශ කර ඇති බව ඔහු පැවසීය.
මෙම ප්රහාරය පාලන වෙනස්කිරීමක් සඳහා නොවන අතර, ටෙහෙරානයේ මිසයිල හා ආරක්ෂක යටිතල පහසුකම් විනාශ කිරීම මෙහි ප්රධාන අරමුණ බවද හෙග්සෙත් සනාථ කරයි. ඔහු පවසනවානම් මෙය “අවසන් නොමැති යුද්ධයක්” වෙත යොමු නොවන බවත් ය.
තවද, අමෙරිකානුවන්ට තර්ජනයක් වන ඕනෑම අයෙකු සතුව පැකිලීමකින් තොරව දඬුවම් ක්රියාත්මක කරන බවද හෙග්සෙත් අනතුරු ඇඟවයි. ඔහු ඉරාන ආරක්ෂක අංශ වෙතත් “බුද්ධිමත්ව තීරණ ගන්න” යන පණිවිඩය ලබා දී ඇත.
මෙහෙයුම් අතරතුර මියගිය අමෙරිකානු හමුදා භටයන් පිළිබඳද ඔහු සටහන් කර ඇත. එමෙන්ම, ඉරාන වැසියන්ටද මෙම අවස්ථාවෙන් ප්රයෝජන ලබා ගැනීමට හැකි බව ඔහු මතක් කරයි.
