🇱🇰අපේ රටේ වැස්ස දවසට කඳුකරයේ ඉන්න මිනිස්සු ඉන්නේ මර බයේ. “කන්ද පහළට එයිද?” කියලා.
හැබැයි, අපිට වඩා සීග්ර බෑවුම් තියෙන, අපිට වඩා වැස්සක් ලැබෙන හොංකොං (Hong Kong) රට මේ ප්රශ්නේ විසඳගත්තේ හරිම පුදුම විදියට.
ඔවුන් කළේ කඳු වලට “ඇණ ගහපු” එක! (Soil Nailing).
මොකක්ද මේ තාක්ෂණය? සාමාන්යයෙන් අපි කරන්නේ කන්දක් නාය යන්න එනකොට ලොකු කොන්ක්රීට් බැම්මක් (Retaining Wall) දාන එකනේ. ඒක වියදම් අධිකයි වගේම පරිසරයටත් හානිදායකයි.
ඒත් හොංකොං ඉංජිනේරුවෝ කළේ මෙන්න මේ වගේ දෙයක්:
– ඔවුන් කන්ද ඇතුළට මීටර් ගණනක් දිගට යන්න “යකඩ කූරු” (Steel Bars) බස්සනවා.
– ඊට පස්සේ ඒ හිල ඇතුළට සිමෙන්ති මිශ්රණයක් (Grout) පුරවනවා.
මේකෙන් වෙන්නේ මොකක්ද? මේක හරියට ලිහිල් වෙච්ච ලී ලෑලි දෙකක් ඇණ ගහලා තද කරනවා වගේ වැඩක්. මේ යකඩ කූරු නිසා, කන්දේ තියෙන බුරුල් පස් ටික එකට තද වෙලා “තනි බ්ලොක් එකක්” වගේ හැදෙනවා. එතකොට කොච්චර වැස්සත් කන්ද ලිස්සලා යන්නේ නෑ.
මේකේ තියෙන ලොකුම වාසිය: මේ ක්රමයේදී ලොකු කොන්ක්රීට් බැමි පේන්න නෑ. “ඇණ ගැහුවට” පස්සේ, කන්ද උඩින් තණකොළ වවන්න පුළුවන්. ටික කාලයක් යනකොට එතන නායයෑමක් වලක්වපු තැනක් කියලවත් හොයන්න බෑ. සම්පූර්ණයෙන්ම කොළ පාටයි!
ලංකාවෙත් දැනට මේ ක්රමය සමහර තැන්වල පාවිච්චි කරනවා. හැබැයි හොංකොං රට වගේ අපිත් මේක හරියටම කළොත්… වැස්ස දවසට බය නැතුව නිදාගන්න අපිටත් පුළුවන් වෙයි නේද?
Ishan Menaka
