අශෝක රන්වල මහතා කතානායක ධුරයෙන් ඉල්ලා අස්වීමේ ලිපිය මගින් තමන්ට ආචාර්ය උපාධියක් නැතැයි නොපවසා එහි ලේඛන සොයා ගැනීමට නොහැකි බවට සිදුකළ ප්‍රකාශය බොරුවක් බව ශ්‍රී ලංකා නීතීඥ සංගමයේ හිටපු සභාපති ජනාධිපති නීතීඥ යූ.ආර්. ද සිල්වා මහතා පවසයි.
ජපානයේ විශ්වවිද්‍යාලයක සැබවින්ම ආචාර්ය උපාධියක් ඇත්නම් ඊට අදාළ ලේඛන ජනාධිපතිවරයාට එහි තානාපති නිලධාරීන් ලවා වහාම ලබාගත හැකි බව ද හෙතෙම පෙන්වා දෙයි.
හිටපු ඇමති මර්වින් සිල්වාට තිබූ ආචාර්ය පට්ටම හෝ අශෝක රන්වලට නොමැති බව මෙයින් හැගෙන බවත් එහි ලේඛන ලබා ගැනීමට කල්ගත වන බවට සිදුකරන ප්‍රකාශ කිසිසේත් පිළිගත නොහැකි බවත් ඔහු කියා සිටී.
සයිටම් විශ්වවිද්‍යාලය හොර උපාධි කඩයක් යැයි චෝදනා කරමින් සිදුකළ විරෝධතාවට නායකත්වය දුන් හිටපු කතානායකවරයා අවසානයේ හොර උපාධිකාරයෙකු බවට පත්ව ඇතැයි ද ඔහු පවසන්නේ අන්තර්ජාල නාලිකාවක සාකච්ඡාවකට එක් වෙමිනි.
Source: Lanka C News
