පාකිස්තාන හිටපු අග්‍රාමාත්‍ය මෙන්ම හිටපු විශිෂ්ට ක්‍රිකට් ක්‍රීඩකයෙකු ද වන ඉම්රාන් ඛාන් බන්ධනාගාරය තුළදී ඝාතනය කර ඇති බවට වන පුවතක් එරට සමාජ මාධ්‍ය තුළ මේ වනවිට වේගයෙන් සංසරණය වෙමින් තිබේ.
එමෙන්ම ඉම්රාන් ඛාන්ගේ සුවදුක් බැලීමට පැමිණි ඔහුගේ සහෝදරියන් තිදෙනාටද බන්ධනාගාරයෙන් පිටතදී කුරිරු පොලිස් ප්‍රහාරයකට ලක්ව ඇති බවත් වාර්තා වේ.
ඔවුන් තිදෙනා මාසයක කාලයක් සිට ඉම්රාන් ඛාන් හමුවීමට අවස්ථාවක් ඉල්ලා සිටියද, මෙතෙක් ඒ සඳහා අවසර ලබා දී නොමැති බව සඳහන්.
මේ වනවිට ඉම්රාන් ඛාන් රඳවා සිටින ආඩියාලා බන්ධනාගාරය ඉදිරිපිට ඔහුගේ PTI පක්ෂයේ ආධාරකරුවන් රැඳී සිටින බවද වාර්තා වේ.
එමෙන්ම ඇතැම් වාර්තා පවසන්නේ පාකිස්තාන හිටපු හිටපු අග්‍රාමාත්‍යවරයා දින 22ක් හුදකලා වී සිටින බවය.
කෙසේ නමුත් පාකිස්තාන රජය මේ දක්වා නිල ප්‍රකාශයක් නිකුත් කර නොමැත.
ඉඩම් දූෂණ නඩුවක් ඇතුළු චෝදනා කිහිපයක් යටතේ පාකිස්තානයේ හිටපු අග්‍රාමාත්‍ය ඉම්රාන් ඛාන් මේ වනවිට වසර 14ක සිර දඬුවම් නියම වී දඬුවම් විඳමින් සිටී.
අගමැතිවරයා ලෙස කටයුතු කළ අවධියේ පාකිස්තානය මුහුණ දුන් මූල්‍යම කඩා වැටීම ඇතුළු චෝදනා කිහිපයක් වෙනුවෙන් ඔහු 2023 වසරේ අගෝස්තු මාසයේ සිට මෙලෙස සිරගතව සිටියි
කෙසේ වෙතත් කටකතා මධ්‍යයේ ඉම්රාන් ඛාන් බන්ධනාගාරයේ නිරෝගීව සිටින බව ආඩියාලා බන්ධනාගාරය පැහැදිලි කරයි
පාකිස්තාන් ටෙහ්රීක්-ඊ-ඉන්සාෆ් (PTI) පක්ෂයේ නිර්මාතෘ හිටපු ටෙස්ට් ක්‍රිකට් නායක ඉම්රාන් ඛාන් බන්ධනාගාරයෙන් ඉවත් කර ඇති බවට පැතිර යන කටකතා බදාදා ආඩියාලා බන්ධනාගාර බලධාරීන් විසින් ප්‍රතික්ෂේප කරන ලද අතර, ඔහු බන්ධනාගාරය තුළම සිටින බවත් ඔහු හොඳ සෞඛ්‍ය තත්වයෙන් පසුවන බවත් නැවත තහවුරු කළේය.
