පවතින අයහපත් කාලගුණික තත්ත්වය හේතුවෙන් දිස්ත්‍රික්ක 11ක ප්‍රාදේශීය ලේකම් කොට්ටාස 93කට නිකුත් කර ඇති නායයෑම් අනතුරු ඇඟවීමේ නිවේදන තවදුරටත් දීර්ඝ කර ඇති බව ජාතික ගොඩනැගිලි පර්යේෂණ සංවිධානය පවසයි.
ඒ අනුව, බදුල්ල දිස්ත්‍රික්කයේ ඌව පරණගම, හපුතලේ, බණ්ඩාරවෙල, හැලිඇල, බදුල්ල, ලුනුගල, පස්සර, මීගහකිවුල, සොරනාතොට, වැලිමඩ, ඇල්ල, කන්දෙකැටිය සහ හල්දුමුල්ල යන ප්‍රාදේශීය ලේකම් කොට්ටාස සඳහා එම නායයෑම් රතු නිවේදන නිකුත් කර ඇති බව සඳහන්ය.
එමෙන්ම මහනුවර දිස්ත්‍රික්කයේ පන්විල, පාතදුම්බර, ගඟ ඉහළ කෝරලේ, උඩුනුවර, දොලුව, පූජාපිටිය, මිනිපේ, ගඟවට කෝරලේ, අකුරණ, පස්බාගේ කොරලේ, හතරලියද්ද, හාරිස්පත්තුව, පාතහේවාහැට, උඩුදුම්බර, තුම්පනේ, උඩපළාත, කුණ්ඩසාලේ, යටිනුවර, දොල්තොට සහ මැදදුම්බර යන ප්‍රාදේශිය ලේකම් කොට්ටාස සඳහා ද ඉවත්වීමේ රතු නිවේදන නිකුත්කර තිබේ.
කැගල්ල දිස්ත්‍රිකයේ රඹුක්කන, මාවනැල්ල, දැරණියගල, යටියන්තොට, ගලිගමුව, වරකාපොල, රුවන්වැල්ල, අරණායක, කෑගල්ල, බුලත්කොහුපිටිය සහ දෙහිඕවිට යන ප්‍රාදේශිය කොට්ටාසවලට මෙන්ම කුරුණෑගල දිස්ත්‍රික්කයේ පොල්ගහවෙල, අලව්ව, නාරම්මල, මාවතගම, මල්ලවපිටිය සහ රීදීගම යන ප්‍රාදේශිය ලේකම් කොට්ඨාස සඳහා ද නායයෑම් රතු නිවේදන නිකුත්කර ඇති බව සඳහන්ය.
මේ අතර මාතලේ දිස්ත්‍රික්කයේ විල්ගමුව, අඹන්ගඟ කෝරලේ, පල්ලෙපොළ, උකුවෙල , නාඋල, ලග්ගල – පල්ලේගම, යටවත්ත, රත්තොට සහ මාතලේ යන කොට්ඨාස මෙන්ම මොනරාගල දිස්ත්‍රික්කයේ බිබිල සහ මැදගොඩ යන ප්‍රාදේශීය ලේකම් කොට්ඨාසවලට ඉවත් වීමේ රතු නිවේදන නිකුත් කර තිබේ.
එමෙන්ම නුවරඑළිය දිස්ත්‍රිකයේ හගුරන්කෙත, මතුරට, නුවරඑළිය, නැගෙනහිර කොත්මලේ, බටහිර කොත්මලේ, තලවකැලේ, නෝවුඩ්, අඹගමුව, නිල්දන්ඩාහින්න සහ වලපනේ මෙන්ම රත්නපුර දිස්ත්‍රික්කයේ කලවාන, කුරුවිට, ගොඩකවෙල, අයගම, ඇලපාත, කහවත්ත, ඕපනායක, කොලොන්න, නිවිතිගල, බලංගොඩ, ඉඹුල්පේ, පැල්මඩුල්ල, කිරිඇල්ල, රත්නපුර සහ ඇහැළියගොඩ යන ප්‍රාදේශීය ලේකම් කොට්ටාස සඳහා ද ඉවත්වීමේ රතු නිවේදන නිකුත්කර ඇති බව සඳහන්ව.
මීට අමතරව ගම්පහ දිස්ත්‍රික්කයේ අත්තනගල්ල ප්‍රදේශීය ලේකම් කොට්ඨාසයට මෙන්ම කොළඹ දිස්ත්‍රික්කයේ සීතාවක සහ පාදුක්ක යන ප්‍රාදේශීය ලේකම් කොට්ඨාශ සඳහා ද නායයෑම් රතු නිවේදන නිකුත් කර තිබේ.
මේ අතර කළුතර, ගාල්ල, මොනරාගල සහ රත්නපුර යන දිස්ත්‍රික්වල ප්‍රාදේශීය ලේකම් කොට්ඨාස කිහිපයකට දෙවන මට්ටමේ නායෑම් අනතුරු ඇඟවීම් නිකුත් කර ඇති අතර කොළඹ, ගම්පහ, හම්බන්තොට සහ මාතර යන දිස්ත්‍රික්වල ප්‍රාදේශීය ලේකම් කොට්ඨාශ 31ක් සඳහා පළමු මට්ටමේ නායයෑම් අනතුරු ඇඟවීම් නිකුත් කර ඇති බව ජාතික ගොඩනැගිලි පර්යේෂණ සංවිධානය ප්‍රකාශ කළේය.
