ඇමරිකානු ජනාධිපති ඩොනල්ඩ් ට්රම්ප්ගේ පරිපාලනය විසින් ග්රීන්ලන්තය (Greenland) ඇමරිකාවට ඈඳා ගැනීම සඳහා ඉතා සුවිශේෂී මෙන්ම ආන්දෝලනාත්මක සැලසුමක් සකස් කරමින් සිටින බව Reuters පුවත් සේවය වාර්තා කරයි.
ඩෙන්මාර්කයෙන් වෙන් වී ඇමරිකාව සමඟ එක්වීම සඳහා කැමැත්ත ලබා ගැනීමට, ග්රීන්ලන්තයේ වෙසෙන සෑම වැසියෙකුටම ඇමරිකානු ඩොලර් 10,000 සිට 100,000 දක්වා (ශ්රී ලංකා රුපියල් ලක්ෂ 30 සිට කෝටි 3 දක්වා පමණ) මුදලක් ගෙවීමට ධවල මන්දිර නිලධාරීන් සාකච්ඡා කරමින් සිටී.
📍 ග්රීන්ලන්තයේ වෙසෙන්නේ 57,000 ක පමණ පිරිසකි. මෙම ගෙවීම සඳහා ඇමරිකාවට ඩොලර් බිලියන 6 කට ආසන්න මුදලක් වැය වනු ඇතැයි ගණන් බලා ඇත.
🛡️ රුසියාව සහ චීනය ආක්ටික් කලාපයේ බලය පැතිරවීම වැළැක්වීමට ග්රීන්ලන්තයේ උපායමාර්ගික පිහිටීම ඇමරිකාවට අත්යවශ්ය බව ට්රම්ප් පවසයි.
❌ “ග්රීන්ලන්තය විකිණීමට නැත” යන ස්ථාවරයේ ඩෙන්මාර්කය සහ ග්රීන්ලන්ත අගමැතිවරයා තවමත් දැඩිව සිටියි. ඔවුන් පවසන්නේ මෙය ජාත්යන්තර නීතියට පටහැනි “ඈඳා ගැනීමේ ෆැන්ටසියක්” (Fantasy of annexation) බවයි.
වෙනිසියුලාවේ නිකොලස් මදුරෝ අත්අඩංගුවට ගැනීමේ සාර්ථකත්වයෙන් පසු ට්රම්ප් පරිපාලනය මෙම ග්රීන්ලන්ත මෙහෙයුම වඩාත් බැරෑරුම් ලෙස සලකා බලමින් සිටින බව වාර්තාවල සඳහන් වේ.
මූලාශ්ර: Reuters, Fox News, The Guardian (08 Jan 2026)
