මැලේසියාව දියුණුවට පත් කළ හිටපු අගමැති මහතීර් මොහොමඩ් වයස අවුරුදු 100 වන උපන්දිනය අද ජූලි 10ට යෙදී තිබේ.ඔහු උපන්නේ 1925 ජූලි 10 වනදාවකය. වෘත්තියෙන් වෛද්‍යවරයෙකුව සිට රටේ මුල් පුටුවට ආ ඔහු
වයස 50 ගණන්වලදීම හෘදයාබාධවලට මුහුණ දුන් නමුත් ජීවිතය, ශතකයක් සපිරීම අතිශයින්ම විස්මයජනකය.
ඔහුට ඇබ්බැහිවූ දුම්පානය නතර කර සෞඛ්‍ය රැකගත් බවද පැවසේ. විනයානුකූල විවේකය, ආහාර රටාව, ව්‍යායාම සහ වෛද්‍ය අධීක්ෂණයෙන් යුත් ඔහුගේ ජීවිතයක් ගත තළ බව කියැවේ.
වැදගත් වන්නේ ඔහු ඉලක්කම් තුනක වයසට පැමිණීම පමණක් නොව, ඔහු දුබල, හුදෙකලා වූ හෝ සිහි විකල් වූවෙකු නොව, හොඳ ශාරීරික තත්ත්වයකින් පසුවීමයි.
මහතීර් තවමත් මෝටර් රථයක් පදවන අතර, රජයේ විදේශ සෘජු ආයෝජන (FDI) උපායමාර්ගය පිළිබඳව උපහාසාත්මකව ට්වීට් කර පසුගිය දිනවල ආන්දෝලනද ඇති කළේය.
නිදහසින් පසු රටේ පැවති ආර්ථික විකෘති කිරීම් සැකසීම සඳහා ඔහුගේ පාලන සමයේ දැඩි පියවර ගත් අතර මහතීර්ගේ ප්‍රවේශය වූයේ, ප්‍රතිපත්ති හරහා සමානාත්මතාවය ඇති කරනවා වෙනුවට මැලේ ආධිපත්‍යය වෙනුවෙන් පෙනී සිටීමයි. ඒ සියල්ල ඉහළ සිට පහළට, අන්තර්ග්‍රාහී නොවූ සහ හදිසි ක්‍රමවේදයක් විය.
මැලේවරුන් ධනවත් කිරීම, ඔවුන්ට දීමනා ලබා දීම, නමුත් ඔවුන්ගේ උත්සාහයට බාධා කරන සංස්කෘතික මූලද්‍රව්‍ය සමඟ ගනුදෙනු නොකිරීම හෝ කඩිසරකම ප්‍රවර්ධනය කරන සාරධර්ම ගොඩනැගීමට ක්‍රියා නොකිරීම ඔහුගේ ක්‍රමය විය.
තිරසාරභාවය ඔහුගේ න්‍යාය පත්‍රයේ නොවීය. එය ව්‍යාජ විඥානයක් ඇති කළ අතර, එය ගැන ඔහු පසුතැවිලි වූ, බවද පැවසිණි. ඊට හේතුව නම් අදටත් අනුකරණය කිරීමට හෝ නවෝත්පාදනය කිරීමට වඩා අපේක්ෂා කරන ව්‍යාපාරික පන්තියක් බිහිවිම බව ඔහු පෙන්වා දෙයි.
ඔහුගේ 22 වසරක පාලන කාලය, ආර්ථිකයේ සමස්ත නැගීමෙන් මැලේ ජනතාවට ප්‍රතිලාභ ලැබුණද, බොහෝ ආකාරවලින් ආර්ථික පරතරය වැඩි විය. ඔවුන් වඩාත් උසස් බවක් පෙනුනද, නව ආර්ථිකය තුළ සිරවී සිටින බව පැවසිණි.
ඔහු ජාතිවාදය ශක්තියක් ලෙස සැලකූ, අතීතයට ඇදගෙන යන නායකයෙකි.
1981 දී ඔහු රට භාර ගන්නා විට, වාර්ගික අවිශ්වාසය ප්‍රමුඛව පැවතියද, නිදහසින් පසු මැලේසියාව ස්ථාවර වී තිබූ අතර, ඒකාබද්ධ වීමේ හැකියාව ඉහළ මට්ටමක පැවතුනි.
ඔහු තම නියෝජ්‍ය අගමැතිවරයාව සේවයෙන් පහ කර සිරගත කළේය, ජාත්‍යන්තර මූල්‍ය අරමුදලට (IMF) විරුද්ධ ආර්ථික සැලැස්මක් අනුගමනය කළේය, කුරිරු නීති සහ බලය කේන්ද්‍රගත වීම ඔහුට බෙහෙවින් උපකාරී විය.
2003 දී ඔහු ධුරයෙන් ඉවත්වන විට, එය බලගතු දේශපාලන ගමනක අවසානය විය.
සිදුවීම්වලින් කෝපයට පත් ඔහු, නව පක්ෂයක් ආරම්භ කර, තමා ගොඩනැගීමට උදව් කළ පද්ධතිය පරාජය කිරීම සඳහා හිටපු සතුරන් සමඟ එක්ව, 2018 දී පකටාන් හරපාන් (Pakatan Harapan) සන්ධානය, බරිසාන් නැෂනල් (Barisan Nasional) පාලනය පෙරළා දැමූ අතර නැවතත්, නොඉවසිලිමත් 92 හැවිරිදි වියේදී අගමැතිවරයා ලෙස පත්විය.
ඔහුගේ දෙවන පාලන කාලය ගැටලුකාරී විය. පසුව පැවති මහ මැතිවරණයෙන් ඔහුගේ අසුන පවා අහිමි විය.
අද උපන් දිනය සැමරීම ඔහුගේ සමාජ මාධ්‍ය වේදිකාවල සජීවී සුබපැතුම් අවස්තාව විකාශය කෙරිණි.
