දකුණු කොරියාවේ දරු උපත් අනුපාතය ඉහළ නැංවීමේ අරමුණින් ඇතැම් සමාගම් සේවකයන්ට ඩොලර් 72,000ක මුදල් දීමනා පිරිනමන බව එරට මාධ්‍ය වාර්තා කරනවා.
එරටබු-යොන්ග් වැනි ඉදිකිරීම් ආයතන ඇතුළුසමාගම් දුසිම් ගණනක්තම සේවකයින්ට දරුවන් ලැබීම සඳහා විශාල මූල්‍ය දිරිගැන්වීම් ලබා දීමට පටන් ගෙන ඇති බවයි එම වාර්තාවල දැක්වෙන්නේ.
පුදුම හිතෙන සමාගම් නිවේදන
දකුණු කොරියාවේ සෝල් නුවර පාදක කරගත් බු-යොන්ග් සමාගම, තම සේවකයෙකු දරුවෙකු බිහිකරන සෑම අවස්ථාවකමකොන්දේසි විරහිතව ඩොලර් 72,000ක් පමණලබා දෙන බව ප්‍රකාශ කර තිබෙනවා. මෙම මුදල සේවකයාගේ බැංකු ගිණුමට කෙලින්ම බැර කරන අතර රජය විසින් ඊට බදු අය නොකරන බවද එහි සඳහන්.
බු-යොන්ග් සමාගමේ ආරම්භකයා, 84 හැවිරිදි අයෙක්. ඔහු දේශප්‍රේමියෙක් ලෙස ද ප්‍රකටයි.පසුගිය වසර ගණනාවක් පුරා බොහෝ සුබසාධන කටයුතුවලට සහභාගි වී තිබුණා.මෙම ප්‍රතිපත්තිය හේතුවෙන්, උපත් දීමනා ලබා ගත් 100ක් පමණ වන සේවකයින්ගෙන් කිසිවෙකු සමාගමෙන් ඉවත් වී නැහැ. තවද, සමාගම විශ්වාස කරන්නේ ඔවුන්ගේ ප්‍රතිපත්තිය හේතුවෙන් සමහර පුද්ගලයින් දරුවන් ලැබීමට දිරිමත් වී ඇති බවයි. මෙම ප්‍රතිපත්තිය හඳුන්වා දීමෙන් පසු ආයතනික සංස්කෘතිය තුළ පවා වෙනසක් සිදු වෙමින් පවතින අතර, සේවකයින් එකිනෙකා දරුවන් ලැබීමට සහ විවාහ වීමට දිරිමත් කරන බවයි අදාළ වාර්තාවල දැක්වෙන්නේ.
හත්හැවිරිදි, දරුවන් දෙදෙනෙකුගේ පියෙකු වන හොංගි, පසුගිය වසරේදී ඔහුගේ දෙවන දරුවා ලැබීමෙන් පසු මාස 6 ක වැටුප් සහිත පීතෘ නිවාඩුවක්මෙන්ම ඩොලර් 72,000ක දීමනාවක් ද ලබාගෙන තිබුණා. මීට අමතරව, 2021 දී උපත ලැබූ ඔහුගේ පළමු දරුවා සඳහා ද අතිරේකව තවත් ඩොලර් 72,000ක් ආපසු ගෙවීමක් ලෙස සමාගම විසින් ලබා දුන් බවයි එහි දැක්වෙන්නේ. හොංගි පවසන්නේ මෙම තෑග්ගට ස්තූතිවන්ත වෙන්න ඔහුට විශාල නිවසකට මාරු වීමට හැකි වූ බවත්, ඔවුන් තුන්වැනි දරුවා බිහිකිරීම ගැන පවා සිතමින් සිටින බවයි.
දකුණු කොරියාවේ ජනගහන අර්බුදය ඔඩුදුවයි
දරුවන් බිහිකිරීම දිරිමත් කිරීම වෙනුවෙන් මෙම සමාගම් මැදිහත්වීම් සිදුවන්නේ දකුණු කොරියාවේ උපත් අනුපාතය, කාන්තාවකට උපත්0.75%ක්දක්වා පහත වැටී ඇති පසුබිමකයි. එය ලොව වාර්තා වනඅඩුම උපත් අනුපාතයයි.
කොරියාව දැවැන්ත ජනගහන අර්බුදයකට මුහුණ දී සිටින අතර, 2072 වන විට ජනගහනය 1/3 පමණ හැකිලෙනු ඇතැයි පුරෝකථනය කර තිබෙනවා.
මෙම ජනගහන අර්බුදයේ දැවැන්ත ඇඟවුම් අතර ශ්‍රම බලකාය හැකිලීම, බදු ආදායම පහත වැටීමසහ රට ආරක්ෂා කිරීමට හමුදාවට බැඳීමට ප්‍රමාණවත් පිරිසක් නොසිටීම දඇතුළත්.
වසර ගණනාවක් තිස්සේ දරුවන් බිහිකිරීම දිරිගැන්වීම රජයේ ප්‍රමුඛතාවයක් වී තිබෙනවා.හිටපු ජනාධිපතිවරයා ජාතික ජන විකාශනය පිළිබඳ හදිසි අවස්ථාවක් ද ප්‍රකාශයට පත් කළා. එරට රජය ගැටලුව විසඳීම සඳහා ඩොලර් බිලියන සිය ගණනක් වැය කරමින් සිටිනවා.
දකුණු කොරියාවේ ඉලක්කය වන්නේ 2030 වන විට උපත් අනුපාතය 1%දක්වා ඉහළ නැංවීමයි.
අනෙක් රටවලත් අර්බුදයක්
ජනගහන ආයතනයේ සභාපති සහ ප්‍රධාන විධායක නිලධාරී කැත්ලීන් මොගුල්ගාඩ්පවසන්නේ, දරුවන් ලැබීම පිළිබඳ තීරණ ගැනීම ඉතා සංකීර්ණ බවත්, එය සංවර්ධිත රටවල දරුවන් ඇති දැඩි කිරීමේදී මිල අධික වියදම්පමණක් නොව, ජීවන සබඳතා, වේලාව සහ පෞද්ගලික තීරණ ගණනාවක් ද ඊට බලපාන බවයි.
ඕස්ට්‍රේලියාව සහ හංගේරියාව වැනි රටවල් අතීතයේදී මුදල් දීමනා ලබා දී උපත් අනුපාතවලකෙටි කාලීන ඉහළ යාම්දුටුවද, ඒවා පසුව නැවත පහත වැටුණා.
විශේෂඥයින් පවසන්නේ මෙලෙසමුදල් දීමනා ලබාදීම ස්ථිර විසඳුමක් නොවන බවයි.
