අධ්යාපන ක්ෂේත්රයේ අවධානය දිනාගත් සිදුවීමක් ලෙස, 81 හැවිරිදි නිමල් සිල්වා මහතා සාමාන්ය පෙළ (O/L) විභාගයට පෙනී සිටීම මේ දිනවල බොහෝ දෙනාගේ කතාබහට ලක්ව තිබේ. ඔහු මෙම තීරණය ගෙන ඇත්තේ ගණිත ප්රශ්න පත්රයේ ඇති අඩුපාඩු සමාජයට සහ බලධාරීන්ට ඉස්මතු කිරීමේ අරමුණින් බව පැවසේ.
විභාගයෙන් අනතුරුව අදහස් දක්වමින් නිමල් සිල්වා මහතා කියා සිටියේ, එම ගණිත ප්රශ්න පත්රයේ සැබෑ ගණිතමය ප්රශ්නයක් ලෙස හඳුනාගත හැක්කේ එක් ප්රශ්නයක් පමණක් බවයි. අනෙක් බොහෝ ප්රශ්න “දරුවන්ගේ ගණිත දැනුම පරීක්ෂා කිරීමට නොව, ඔවුන් අසමත් කිරීමට සැලසුම් කළ වැනි” බවටද ඔහු දැඩි විවේචනයක් එල්ල කළේය.
“විභාගයක් කියන්නේ දරුවාගේ හැකියාව මැනීමට. නමුත් මේ වගේ ප්රශ්න පත්රයක් දරුවන්ට අසාධාරණයක්. ඔවුන්ගේ විශ්වාසය කඩනවා,” යනුවෙන්ද ඔහු වැඩිදුරටත් සඳහන් කළේය.
නිමල් සිල්වා මහතා තවදුරටත් පැවසුවේ, තමන්ට විභාගයට පෙනී සිටීමෙන් ලබාගත් අත්දැකීම් පදනම් කරගෙන විස්තරාත්මක වාර්තාවක් සකස් කර අධ්යාපන අමාත්යාංශයට ඉදිරිපත් කිරීමට බලාපොරොත්තු වන බවයි. එම වාර්තාව මගින් ගණිත ප්රශ්න පත්ර සකස් කිරීමේ ක්රමවේදය සම්බන්ධයෙන් ප්රතිසංස්කරණ අවශ්ය බව ඔහු විශ්වාසය පළ කරයි.
මෙම සිදුවීම සම්බන්ධයෙන් සමාජ මාධ්ය තුළද විවිධ අදහස් පළවෙමින් පවතින අතර, වයස 81කදීත් අධ්යාපනය වෙනුවෙන් හඬ නැගූ ඔහුගේ පියවර බොහෝ දෙනාගේ ප්රශංසාවට ලක්ව තිබේ. ඒ අතරම, විභාග ප්රශ්න පත්රවල ගුණාත්මකභාවය පිළිබඳ නැවත විමර්ශනයක් කළ යුතු බවටද මහජන අවධානය යොමු වී ඇත.(Ape Rata)
