ඉරානය න්යෂ්ටික අවි සංවර්ධනය කරමින් සිටින බවට තවමත් කිසිදු විශ්වාසදායක සාක්ෂියක් රුසියාවට ලැබී නොමැති බව රුසියානු විදේශ අමාත්ය Sergey Lavrov පවසයි.
මොස්කව්හි පැවති මාධ්ය හමුවකදී අදහස් දැක්වූ ලැව්රොව් මහතා සඳහන් කළේ, “ඉරානය න්යෂ්ටික අවි නිපදවමින් සිටින බවට අපට මේ දක්වා කිසිදු සාක්ෂියක් ලැබී නැහැ. මෙම යුදමය ක්රියාමාර්ග සාධාරණීකරණය කිරීමට ඉදිරිපත් කර ඇති ප්රධානම හේතුවත් එයයි,” යනුවෙනි.
ඔහු වැඩිදුරටත් පෙන්වා දුන්නේ, ඉරානයට එල්ල වන ප්රහාරවල ප්රතිවිපාක මේ වනවිට මුළු මැදපෙරදිග කලාපය පුරා දැනෙමින් පවතින බවයි. විශේෂයෙන් අරාබි රටවල් ආර්ථික වශයෙන් දැඩි පීඩාවකට ලක්ව ඇති බවත්, බලශක්ති වෙළඳපොළ සහ වෙළඳ ගමනාගමන ක්ෂේත්රයන්ට ද මෙහි බලපෑම් ඇතිවී ඇති බවත් ඔහු අවධාරණය කළේය.
මෙම ගැටුම් හේතුවෙන් සිදුවන ජීවිත හා දේපළ හානි අසල්වැසි රටවල්ට දැඩි බරක් වී ඇති බවත්, තත්ත්වය තවදුරටත් උත්සන්න වීම කලාපීය ස්ථාවරත්වයට තර්ජනයක් විය හැකි බවත් රුසියාව අවධාරණය කරයි.
ජාත්යන්තර ප්රජාව සංවේදීභාවයෙන් සහ සංවාද මාර්ගයෙන් මෙම අර්බුදයට විසඳුම් සෙවිය යුතු බවද රුසියානු පාර්ශ්වය අවසානයේ අවධාරණය කර තිබේ.
