කුලියාපිටිය පොලිස් වසමේ මීගහකොටුව හන්දිය ආසන්නයේදී සිදු වූ අමානුෂික පහරදීමක් සම්බන්ධ වීඩියෝවක් සමාජ මාධ්යයේ දැඩි අවධානයට ලක්ව තිබේ.
අදාළ වීඩියෝවෙන් පෙනී යන්නේ, කාන්තාවක් සමඟ යතුරුපැදියකින් ගමන්ගනිමින් සිටි පුද්ගලයෙකු මාර්ගය මධ්යයේ යතුරුපැදිය නවත්වා, ඔහුගේ යතුරුපැදියට ගැටීමට ආසන්න වූ තවත් යතුරුපැදිකරුවෙකු වෙත ආරක්ෂක හිස්වැස්මක් භාවිතා කරමින් අමානුෂික ලෙස පහරදීමක් සිදු කරන ආකාරයයි.
මෙම සිද්ධිය සම්බන්ධයෙන් සමාජ මාධ්යයේ විවිධ ප්රතිචාර පළවෙමින් ඇති අතර, බොහෝ දෙනා එම ක්රියාව දැඩිව විවේචනය කරමින් නීතිමය පියවර ගැනීමක් ඉල්ලා සිටියා.
එමෙන්ම, සිද්ධිය සම්බන්ධයෙන් කුලියාපිටිය පොලිසිය විසින් වේගවත් පියවර ගනිමින්, සැකකරු 2026 මාර්තු 19 වන දින උදෑසන අත්අඩංගුවට ගෙන තිබේ.
පොලිසිය සඳහන් කරන්නේ, සිද්ධිය පිළිබඳ වැඩිදුර විමර්ශන ක්රියාත්මක වන අතර, සැකකරුට එරෙහිව නීතිමය ක්රියාමාර්ග ගැනීමට නියමිත බවයි.
මෙම සිද්ධියත් සමඟ මාර්ග ආරක්ෂාව සහ රථවාහන ආචාරශීලීත්වය පිළිබඳ නැවතත් සමාජයේ අවධානය යොමු වී ඇති අතර, එවැනි ක්රියාකාරකම් වැළැක්වීම සඳහා දැඩි නීතිමය ක්රියාමාර්ග අවශ්ය බවද බොහෝ දෙනා පෙන්වා දෙයි.
