ඇමරිකාවේ වෙසෙන ශ්‍රි ලාංකිකයන්ට නැවුමු ප්‍රේක්ෂක ආකර්ෂනයක් ලබාදෙමින් වැඩිම ඉල්ලුමක් සහිතව තාල 2K25 ප්‍රසංග මාලව ඇමරිකාව පුරා මේ වන විට සාර්ථකව සංවිධානය වෙමින් පවතිනවා. ජුනි මස 7 වනදා වොෂින්ටන් D.C නගරයෙන් ආරම්භවුනු ප්‍රසංග මාලාව 14 වෙනිදා නිව්යොර්ක් නගරයේදි ඉහල ඉල්ලුමක් පැවති ප්‍රසංගයක් ලෙස පැවැත්වුනා. මේ මස 21 වෙනිදා ඇමරිකාවේ හුන්ස්ටන් නගරයෙත් මේ මස 28 වෙනිදා ලොස් ඇන්ජලීස් නගරයෙත් අවසන් ප්‍රසංග දෙක පැවැත්විමට නියමිත අතර දැනටම එම ප්‍රසංග සඳහා ඉහල ප්‍රේක්ෂක ආකර්ෂනයක් ඇදෙමින් පවති.
චාමර වීරසිංහ, හනා ශෆා, බාචි සුසාන් නම් ජනප්‍රිය ජනකාන්ත ගායන ශිල්පීන් ශිල්පිනියන්ගේ ප්‍රථම ඇමරිකානු සංචාරය ලෙස මෙය ඉතිහාසගතවන අතරම මේ දිනවල ශ්‍රි ලංකාවේ ජනප්‍රියම සංගීත කණ්ඩායමක් වන ඇවටාර් සංගීත කණ්ඩායම ප්‍රසංගයේ සංගීතමය ආශ්වාදය සපුරයි. මේ දිනවල ජනප්‍රියම යොවුන් ගායිකාවක් වන ඇමේලියා විජේසුරිය නියොජනය කරන සංගීත කණ්ඩායම වන්නේද ඇවටාර් සංගීත කණ්ඩායමයි.
මෙම අතිසාර්ථක ප්‍රසංග මලාව සංවිධානය කරනුයේ HASS EVENTS & ENTERTAINMENT සහ GREEN GLOBAL ONLINE ආයතන වන අතර එහිදි හසන්ජීත් කුරුප්පුආරච්චිගේ සහ ගයේෂා පෙරේරා යන කලාකාමී කලාවට ආදරය කරන අතිදක්ෂ සංවිධායකවරුන්ගේ මනා සංවිධාන ශක්තිය කැපීපෙනෙන කාරනාවක් විය. ප්‍රසංග මාලාවේ කථනයෙන් සම්බන්ධවන්නේ ලංකාවේ ජනප්‍රිය දැවැන්ත හඬ පෞරුෂයක් වන මොක්ෂ ප්‍රසාද්ය.
ඇමරිකාවේ වෙසෙන ශ්‍රිලාංකිකයන්ට පිදෙන මෙම වෙනස්ම නැවුම් සංගීතමය ඇත්දැකිම සහ ඉදිරි ප්‍රසංග සමඟ සියලුම ඇමරිකාවේ වෙසෙන ලාංකිකයන් ආදරෙයෙන් ඇත්වැල් බැඳගනු ඇත.
