රන් වංචාවක් සම්බන්ධයෙන් ඝානාවේ බලධාරීන්ට පැමිණිල්ලක් ගොනු කළ බව ශ්රී ලංකා පාර්ලිමේන්තු මන්ත්රී ආචාර්ය එම්එල්ඒඑම් හිස්බුල්ලා පිළිගත්තද, ගනුදෙනුවේදී තමා රැවටීමට හෝ වංචා කිරීමට ලක් නොවූ බව ඔහු පැහැදිලි කර තිබේ.
ඔහුගේ ප්රකාශය , ඝානාවේ ප්රධාන ප්රවෘත්ති ඒජන්සිය ඇතුළු ඝානා මාධ්ය ආයතන කිහිපයක් විසින් ශ්රී ලංකා මන්ත්රීවරයෙකු ඇමරිකානු ඩොලර් මිලියන 2 ක රන් වංචාවකට ගොදුරු වී ඇති බවට පළ කළ වාර්තාවලින් පසුවය. මෙම වංචාව මෙහෙයවූ බවට චෝදනා ලැබූ සැකකරුවන් 11 දෙනෙකුට ඇක්රා සංචාරක අධිකරණය ඇප ලබා දී ඇති බව එම වාර්තාවල සඳහන් විය.
ශ්රී ලංකා මන්ත්රීවරයා ගෙවීමක් කර ඇති නමුත් පොරොන්දු වූ රත්රන් නොලැබුණු බවට ඝානා මාධ්ය වාර්තා තවදුරටත් චෝදනා කළේය.
ඔහුගේ මාධ්ය අංශය විසින් නිකුත් කරන ලද පැහැදිලි කිරීමකදී, ආචාර්ය හිස්බුල්ලා මෙම ප්රකාශ “සම්පූර්ණයෙන්ම අසත්ය සහ දේශපාලනික වශයෙන් අභිප්රේරිත” ඒවා ලෙස ප්රතික්ෂේප කළ අතර, ගනුදෙනුවේදී තමා රැවටුණු බවට එල්ල වන චෝදනාවල කිසිදු සත්යතාවයක් නොමැති බව අවධාරනය කළේය.
එම ප්රකාශයට අනුව, ආචාර්ය හිස්බුල්ලා සෞදි අරාබි ව්යාපාරික සහකරුවන් සමඟ නීත්යානුකූල ව්යාපාරික අරමුණු සඳහා ඝානාවට ගොස් ඇත. සංචාරය අතරතුර, ඇතැම් පුද්ගලයින් වංචනික ක්රියාවක් සිදු කිරීමට උත්සාහ කරන බව ඔහු සොයා ගත් අතර ඒ පිළිබඳව වහාම ඝානා ආරක්ෂක බලධාරීන්ට දැනුම් දුන්නේය.
පසුව පොලිසිය වංචාවට සම්බන්ධ පුද්ගලයින් 11 දෙනෙකු අත්අඩංගුවට ගත්තේය.
“මෙම සිද්ධිය සමඟ ආචාර්ය හිස්බුල්ලාගේ කිසිදු සම්බන්ධයක් නොමැති බව අපි නැවත වරක් අවධාරණය කරමු,” යනුවෙන් ප්රකාශයේ සඳහන් වූ අතර, “දේශපාලන අරමුණු සඳහා අසත්ය සහ නොමඟ යවන තොරතුරු පතුරුවා හැරීම” පිළිබඳව කණගාටුව පළ කළේය.
