ඊශ්රායලය සහ එක්සත් ජනපදය එක්ව ඉරානයට එරෙහිව ආරම්භ කළ යුද මෙහෙයුම අද (7) දිනයේ අට පැය ගතවී ඇත. මේ වනවිට තත්ත්වය උත්සන්නව ඇති අතර, ඉරානය අඛණ්ඩව මැදපෙරදිග අමෙරිකානු හමුදා මූලස්ථාන සහ තවත් රණශූර තැනැත්තා පිහිටි ස්ථානවලට ප්රහාර එල්ල කරමින් සිටී.
Update | 08:20AM – මෙහ්රාබාද් ගුවන්තොටුපොළේ විශාල පිපිරීමක්
ඉරානයේ කාර්යබහුලම ගුවන්තොටුපොළ වන මෙහ්රාබාද් ජාත්යන්තර ගුවන්තොටුපොළේ අද අලුයම විශාල පිපිරීමක් සිදුව ඇති බව බී.බී.සී. වාර්තා කරයි.
Update | 04:20AM – දකුණු ඉරාකයේ තෙල් සංකීර්ණයට ඩ්රෝන් ප්රහාරයක්
දකුණු ඉරාකයේ බස්රාහි පිහිටි තෙල් පිරිපහදු මධ්යස්ථානයකට එල්ල වූ ඩ්රෝන් ප්රහාරයකින් අනතුරුව එම ප්රදේශයේ ගින්නක් හටගෙන ඇත.
Update | 04:05AM – ඉරාන ජාතිකයන් 1,332 ක් මිය ගිහින්
පසුගිය සෙනසුරාදා සිට එල්ලවූ එක්සත් ජනපද–ඊශ්රායල ප්රහාර හේතුවෙන් සිවිල් වැසියන් 1,332 ක් මිය ගොස් ඇති බව එක්සත් ජාතීන්ගේ ඉරාන තානාපති Amir Saeed Iravani පවසයි.
Update | 03:40AM – සෞදි අරාබිය ආරක්ෂා කිරීමට බ්රිතාන්යය සූදානම්
අවශ්ය වුවහොත් සෞදි අරාබිය ආරක්ෂා කිරීමට එක්සත් රාජධානිය සූදානම් බව අගමැති Keir Starmer පවසයි.
Update | 12:21AM – ටෙහෙරාන් අසාඩි කුළුණ අසළ පිපිරීමක්
ඉරානේ ටෙහෙරාන් නගරයේ පිහිටි, ජාතික සැමරුම් සහ වැදගත් පෙළපාලි සඳහා භාවිත වන ‘අසාඩි කුළුණ’ අසළ පිපිරීමක් සිදුව ඇත. කුළුණ උස මීටර් 50ක් වන අතර, නගරයේ බටහිර දෙසින්, ගුවන්තොටුපළට ඉතා ආසන්නව පිහිටා ඇත.
Update | 12:12AM – බ්රිතාන්ය හෙලිකොප්ටර් යානා සයිප්රසයට
සයිප්රසයේ ආරක්ෂාව තර කිරීමේ අරමුණින්, බ්රිතාන්යයට අයත් වයිල්ඩ්කැට් හෙලිකොප්ටර් යානා දෙකක් එරටට පැමිණ ඇති අතර, ඩ්රෝන් ප්රහාර වැළැක්වීමට අවශ්ය පියවර ගන්නා බව අග්රාමාත්ය Keir Starmer පවසා ඇත.
මෙම යාවත්කාලීන තොරතුරු, මැදපෙරදිගයේ තත්ත්වය පිළිබඳ නිරතුරු දැනුවත් වීමට අවශ්ය සජීවී තොරතුරු ලෙස බෙදා හැරේ.
